Forumo

Saluton al ĉiuj geesperantistoj.Mia nomo estas Antoine Gomis el Senegalio.Mi voĉdonas por la numero 8 ĉar mi pensas kun li mia esperanto lingvo ovos evolui.Amike.Antoine.

Mi elektas la ĉarman kaj buntan kvaran proponon, ĉar ĝi similas al poŝtmarko kaj entenas plurajn riĉajn detalojn. Ekzemple la knabeto kiu forlasis la patrinan manon por gliti pendite sur la koro de la bildo.

Depende de celpubliko: simpla, bone videbla, tutmondeca, taŭga por serioza uzado ekstermovade. Por interna movada uzo mi verŝajne elektus alian. Zsófia

Saluton!

Unue, mi volas gratuli ĉiujn tiujn, kiuj konkursis.
Kompreneble mi havas mian plej ŝatatan KER-logotipon, nome la 5-an.
Ĝi estas simpla, bela kaj tre inteligenta ideo. La cirklo simbolas jam la tutmondecon kaj povas roli kiel terglobo. En ĝia mezo situas la verda stelo, kiu, krom esti unu el la plej konataj kaj gravaj simboloj de Esperanto, ilustras la ĉeeston de la kvin kontinentoj. La stelo en la mezo de la cirklo (mondo) funkcias kiel kunigilo de ĉiuj mondopartoj kaj kerno de la mondo. Pluse, ĉeestas ankaŭ ene de la cirklo la siglo KER, kiu estas mallongigo de Komuna Eŭropa Referenckadro. Do, ne bezonatas indiki tion denove per tri vortoj, kiam oni povas uzi la siglon. Cetere, estas ankaŭ videbla la celo (Tutmonda Ekzamentago). La ideo de la terglobo dividita pensigas min pri la verda stelo, simbolanta la unuigon de la mondo per la lingvo kaj per la KER-ekzameno. Ĉiuj tiuj elementoj petitaj kaj ĉeestantaj allogas min. Laŭ mi, ĉi tiu estas la plej taŭga logotipo por la Tutmonda Ekzamentago. ^_^

Mi elektis la sepan opcion, ĉar ĝi aspektas ne nur plej profesia, sed ankaŭ grandlitera, bone legebla kaj multkolora. Tio ankaŭ indikas la plezuron de Esperanto.