chlavarenne skribis:
Saluton Katalin,
jen, esperante vi akceptos ĝin (kvankam vi skribis : "La programon rajtos partopreni personoj, kiuj pretos movi sin, mezuri siajn paŝojn aŭ faritajn distancojn kaj raporti pri tio almenaŭ unufoje semajne" kaj mi raportas nur unu fojon entute kaj nur poste), mian iomete originalan subtenon : ne financan sed "fizike moralan".
Mi fizike sed "neĉeeste kunpaŝis" almenaŭ 287 kilometrojn, plej parte sur la "Limoĝa Vojo al Kompostelo" ekde la 10-a de julio ĝis la 18-a (almenaŭ do parte samtempe kiel vi se ne samloke) : de mia hejmo en la departemento Creuse (Saint-Pierre-Chérignat) ĝis la vilaĝo Saint-Laurent-des-Bâtons (ne tre for de Périgueux) kie loĝas alia Pasporta-Servano (bedaŭrinde ne hejme tiun tagon).
Kaj ja ne ĉiam sed oftete aŭ almenaŭ fojfoje mi pensis pri vi dum mi paŝis (averaĝe po ĉ. 32 km tage, do malpli ol vi sed dum pli da tagoj).
Mi povos sendi pli detalan raporton se tio povas esti utila aŭ interesa.
Mi deziras al vi pluajn sukcesojn en via baldaŭa "Kunpaŝado ĉirkaŭ la mondo", ĉi-foje nur virtuala se mi bone komprenis, ĉu ne ?
Amike, Christian L.
Dankon pro via mesaĝo. Mi ĝojas ke vi kunpaŝis kaj volonte intervjuos vin pri tio en la sekva monato. Ni serĉu unu la alian.
Post kiam lanĉiĝos la programo, ni daŭre paŝos fizike plu, raportos pri niaj kilometroj kaj tiuj puŝos antaŭen nian virtualan karavanon.
