Novaĵoj
Forpasis Marcel Leereveld en Aŭstralio
Kategorio: Movado; Dato: 2023-03-22 00:03:33
Ni informas vin pri la bedaŭrinda forpaso de veterana nederlanddevena aŭstralia esperantisto
Marcel Leereveld (1917-2023)
kiu lernis Esperanton antaŭ 90 jaroj, havis la okazon renkonti persone ankaŭ Lidia Zamenhof. Li estis fervora Esperanto-instruisto, kiu jam en la kvindekaj jaroj atingis, ke Esperanto estu lerneja studobjekto agnoskata tutlande en Tasmanio. Marcel instruis ne nur en kursoj, per siaj libro kaj artikoloj, sed kontribuis ĝis la lastaj jaroj de sia vivo ankaŭ al la semajna radioprogramo de la melburna stacio 3ZZZ.
...
La lasta Instruista Trejnado en Poznano
Kategorio: Edukado; Dato: 2023-03-06 13:19:27
INSTRUISTA TREJNADO
en kunlaboro de la
Interlingvistikaj Studoj de UAM, Edukado.net kaj ILEI
La Interlingvistikaj Studoj de la Universitato Adam Mickiewicz (Poznano, Pollando) Edukado.net kaj ILEI
denove kune organizas unujaran instruistan trejnadon , kiu disponigas la necesajn konojn kaj lertojn por instruado de Esperanto kaj trejnos la partoprenantojn pri metodiko.
La kursaro necesigas partoprenon unufoje en la surloka...
Forpasis Halina Komar en Pollando
Kategorio: Edukado; Dato: 2023-02-15 00:38:22
Post longa malsano la 14an de februaro forpasis Halina KOMAR (1937-2023), pola aktivulino, unu el la plej agemaj esperantistoj de la pasintaj dudek jaroj. Ankaŭ nia retejo edukado.net plurfoje partoprenis en projektoj kaj komunaj programoj, kiujn ŝi elpensis, organizis, realigis.
Ŝi kapablis pensi loke, landnivele kaj ankaŭ internaciskale. Halina sentis kiam necesas kaj eblas elpaŝi ankaŭ politike, pruvi la forton kaj valoron de Esperanto.
Turisma buroo, fondo de Centro de Interkultura Edukado en sia urbo Nowy Sącz, estrado...
Denove okazos retaj KER-ekzamenoj en junio
Kategorio: Edukado; Dato: 2023-02-10 22:11:15
KER-Ekzamena Centro de UEA informas vin pri tio, ke en junio denove okazos retaj KER-ekzamenoj en tri niveloj:
la 3-an de junio je nivelo C1;
la 10-an de junio je nivelo B2;
la 17-an de junio je nivelo B1.
Dum la kongreso en Torino eblos trapasi ekzamenojn ĉeeste je ĉiuj kvar niveloj B1, B2, C1 kaj C2. La plej alta nivelo povos okazi kondiĉe ke aliĝos minimume 15 kandidatoj. ...
Forpasis Sophia Mensen (NL)
Kategorio: Edukado; Dato: 2023-02-01 14:22:54
Ni kun malfeliĉo sciigas al vi, ke en januaro 2023 forpasis en Nederlando Sophia Mensen. Ŝi estis Cseh-instruistino, gvidanto de kursoj en Nederlando, Francio kaj Germanio. Antaŭe ŝi aktive agadis en ILEI. Ŝi en la sepdekaj jaroj insruis Esperanton ankaŭ en la Montessori lernejo, kies direktorino ŝi estis.
Meze de la 70-aj jaroj S-ino Mensen kontribuis kun siaj 21 lernantoj el Soest al la fama dujara lerneja eksperimento, organizata de Szerdahelyi, cele al la scienca pruvo de la propedaŭtika valoro de Esperanto. Ĝin partoprenis dek unu lernejoj:...
