Filmejo

Al la komenco

Titolo:Jen via tag'!
Temo:Naskiĝtaga salutmesaĝo
Kategorio:muziko
Aŭtoro(j): Nanne Kalma
Ankie van der Meer - kantistino
Katalin Kovats (enkonduko, filmredaktado)
Rolanto(j): Nanne Kalma
Ankie van der Meer
Katalin Kovats
Daŭro:4,47s
Priskribo:Katalin Kovats, redaktoro de www.edukado.net kun siaj geamikoj Ankie van der Meer kaj Nanne Kalma de la frisa (nederlanda) muzikgrupo KAJTO per tiu ĉi kanto kore salutas la naskiĝtagulojn de edukado.net.
Ankie kaj Nanne ne nur de jaroj kunlaboras kun Katalin, sed ili estas bonaj geamikoj kaj por tiu ĉi evento la apuda filmo estis farita aparte por la membroj de edukado.net.
Se vi volas pli scii pri la muzikgrupo, bonvolu viziti la novan retejon de KAJTO http://www.kajto.co.nl/Kajto.html

Jen la teksto de la kanto
Ĉi tiu Tag' kanto de Nanne Kalma

1 - Ĉi tiu tag' normala ŝajnas, tut-ordinara, sed
Mi opinias, jes mi scias: ĝi vere estas ne.
Ĉi-matene vekiĝante, mi klare sentis tuj:
Ĉi tiu tag' estas la mia; pleniĝis mi per ĝu'.

2 - La hieraŭa tago estas histori'
Kaj la morgaŭa tago simple estas iluzi'.
Dank'al de la nuna tag', la pozitiva energi',
Min bone, kontente, feliĉe sentas mi.

3 - Ne en la futuro, ne en la pasintec':
Ĉi tiu tag' nur estas nun, tial hodiaŭ estas fest'.
La nuna tag' promesas esti intriga aventur',
Do mi intencas sperti ĝin kun humuro kaj plezur'.

4 - Estas vere nekredeble, almenaŭ pensas mi,
Ke hodiaŭ mi travivas la tagon de mia viv'.
Estas miraklo, speciala raraĵ',
Laŭ mi okazas nun unika festotag'. (hiper-de-pip hura 3x)

Refreno:
Ĉi tiu tag' (supera tag') estas donac' por vi kaj mi
Ĉi tiu tag' (bela tag') - ege min ravigas ĝi
Ĉi tiu tag' (perfekta tag') - mi konstatas kun aprec'
Ĉi tiu tag' (selekta tag') - unika en la eternec'
(Kia tag') ĉi tiu tag' (Ĉi tiu tag') kia tag'
(Kia tag') ĉi tiu tag' (Ĉi tiu tag') kia tag', kia elektita, grandioza tag'!
Kreodato:2016-05-22 19:55:23
Lasta redakto:2016-06-01 10:32:24
Montroj:5762
Dosieroj: Mankas dosieroj.

Opinioj kaj komentoj

Entute komentoj: 117; Mezuma noto: 4.95; | Aldoni propran opinion

117.
gobois64 je 2017-04-17 08:59:31

Koran dankegon kara Katalin !
Estis agrabla surprizo !
Amike kaj ĝis el Francio !
Gérard

116.
zukeraĵisto je 2017-04-14 15:29:27    

Mi kore dankas pro la ĝojiga surprizo!

115.
jinglada je 2017-04-02 05:54:12    

Mi ellitiĝis frumatene kaj trovis vian agrablegan kaj belegan mesaĝon en mia retpoŝto kaj la fantastan filmdonacon en la retejo de edukado.net. Tio ja faris ke mia tag' estos tute malsama ol kutime: ĝi estos gaja, bonhumura, plenespera!

Mi havas multan laboron ĉar ĉi-jare mi estas membro de nia LKK kiu estos tre speciala kaj okazos en speciala loko. Mi invitas vin viziti la kongresan retejon (http://www.esperanto.cat/kongresoj/2017/), kie vi mem konstatos kion mi diras. Kompreneble, mi tre feliĉos se vi disvastigas ĝin kaj ĝojeksplodos se vi aliĝus.

114.
jeannemarie je 2017-04-01 13:35:45    

Koran dankon pro tiu bondeziro kaj agrabla surprizo!
Tio memorigas min pri mia lastfoja spektado de KAJTO-spektaklo, en la 100-a UK, en Lillo (2015).

113.
JosGoed je 2017-03-27 14:22:57    

Grandan dankon por la bonega kanto!
Saluton,
Jos

112.
vaikuku je 2017-03-27 03:33:14

Koran dankon! Estis tre agrabla surprizo.
Mi vere sentas min gratulita!
Vida

111.
saliko je 2017-03-21 16:05:54    

Mi, maljuna kaj ofte grumblanta, ne atendis multon de nepersona saluto okaze de mia naskiĝtago. Kiom mi eraris!!! Mi ĝojas, ke Katalin kaj la aliaj geagantoj pretis fari al si tiom da laboro por povi enretigi tiun gratulon! Ĝi estas vere ĉarma kaj indas esti spektata.

110.
JeGe je 2017-03-20 19:15:36    

Dankegon. Vi vere surprizis kaj ĝojigis min!

109.
hipopotamo je 2017-03-20 10:50:00

Kia bela surprizo kun tiu belega kanto! Koran dankon pro viaj bondeziroj. Kaj ĵus nun mi planas la venontan "Ratan Rendevuon" kaj okaze de la 30-jariĝo de nia loka grupo "La Ratkaptista Bando" okazigi ankaŭ koncertvesperon, espereble eĉ kun "Kajto". Mi esperas, ke tio sukcesos.

108.
Ina je 2017-03-18 18:47:03    

Dankon, dankon por la bela kaj surpriza gratulo!
Ina

107.
germainpirlot je 2017-03-18 09:00:30    

Dankegon ! kaj sanon !! Je via sano !!!

106.
Stefano je 2017-03-18 00:07:49

Dankegon! Mi tre ŝatis la donacon!

105.
frans je 2017-03-17 07:59:41    

Brila komenco al la tago! Dankon al vi Katalin pro la surpriza ideo kaj al la muzikantoj pro la ĝoja kaj vigla prezento! La futuro, la nun komencanta nova jaro, estas iluzio, do post unu jaro mi scios kiajn taskojn mi ricevis por plenumi.

104.
Kriketo je 2017-03-17 00:12:01    

Kia bela surprizo! Ege dankon! Mi estas nun, dum kelkaj tagoj, en Kosovo. Mi tre malmulte parolas la albanan, sed, Bedaŭrinde, mi trovis neniun esperantiston ĉi tie...

103.
Ootoito je 2017-03-14 14:13:29    

Multajn dankojn por tiu tre ĝojan surprizon!

102.
ApGwilym je 2017-03-13 12:13:02    

Kia ĝojiga surprizo por mia naskiĝtago. Mi multe ridetas pri tio.

101.
rughulo je 2017-03-13 08:52:08    

Chiu tago estu nia E- tago : felicha , gaja, kaj kun amo !

100.
ThomasRusch je 2017-03-11 19:03:09    

Dankon pro la afablaj deziroj!

99.
Katarina je 2017-03-11 06:04:27    

Bona ideo, agrabla surprizo. Dankon.

98.
tenomis je 2017-03-10 16:04:15    

Dankon pro tiu bela donaco,kiun mi ricevis kun ĝojo des pli granda ĉar mi ĵus eliris el la malsanulejo.
Amike.
Jean-Mary

97.
ataK je 2017-03-07 13:00:51    

Koran dankon, Katalin :)

96.
Arlette je 2017-03-05 20:28:03    

Dankon, dankon: ĉi tiu tag estis mirinda por mi: post du monatoj da suferego en la dorso pro hernio, mi spertas nun renaskiĝon, ĉi tiu tag komenciĝis kun bela amdoneco de mia kara edzo, daŭris kun la ĉeesto de nia tuta familio kaj la kvar genepoj kaj finiĝis kun la amikaj paroloj de Katalin kaj la entuziasmo de Kajto, kiu tiel bele kantas tiun saĝecplenan kanton. Mia promeso por Esperanto: daŭre agi kun la sama entuziasmo, kiun vi sukcesis redoni al mi per viaj amikaj vortoj kaj kanto.

95.
salutnomo je 2017-03-02 12:42:02    

Dankon pro tiu bela iniciato, kiu ghojigis min okaze de mia 70-jarigho.
Gratulon pro la kanto!
Amike,
Luiza CAROL

94.
ilonaesp je 2017-03-01 09:26:20

Dankon, kara Katalin! Mi ĉiam miras pro via inventemo kaj sindediĉo al aliaj.
Ankaŭ vi havu belan tagon en lumo de la reflektita amo.

93.
ludino je 2017-02-28 18:03:09

Kiel bela donaco. Dankon al vi Katalin kaj Ankie
Brigitte Ludino

92.
DrThewolikan je 2017-02-28 13:31:06    

Koran dankon! Kia agrabla surprizo!

91.
Rudolf_Fischer je 2017-02-25 11:26:15    

Kiel agrabla suprizo! Mi dankas al vi, Katalin, pro la bonega ideo, kiu post longa tempo reallogas min, viziti la pagharon de ILEI. Mi esperas, chi-jare finpretigi la elektronikan version de mia Esperanto-lernolibro por German-lingvanoj kaj tiam kontaktos vin.
Kun koraj salutoj, Rudolf

90.
tiderat je 2017-02-24 06:50:38    

Koran dankon pro la ĝojiga, vigla, belega kanto! :-) Elkore: Edit

89.
esocom je 2017-02-23 08:12:58

Koran dankon pro la deziroj kaj bonvenon al la ofertoj kiuj atendas vin en la maklerejo.de!

88.
Kentash66 je 2017-02-17 21:27:59

Kara Katalin, koran dankon al vi persone, kiu sukcesis prepari tiun-ĉi neordinaran gratulon, kaj viaj geamikoj Ankie van der Meer kaj Nanne Kalma, kiuj tiel ĉarme prezentas sian kanton kun kortuŝaj vortoj.
Ricevo de tiu-ĉi gratulo hodiaŭ estis por mi vera surprizo! Dankon! Dankon!

87.
Paola je 2017-02-16 00:19:45    

DANKON!

86.
Franciska je 2017-02-14 04:01:40    

Bona ideo ! Koran dankon. Estas ĉiam plezuro auskulti la viglajn kantojn de Kajto. Mi plurfoje provis proponi tekston kaj rilatajn ekzercojn, kiujn mi studis kun miaj lernantoj sensukcese. nun bedaurinde ili restis en mia malnova komputilo. Ree dankon

85.
arpacholski je 2017-02-13 11:46:07    

Karaj,

grandan dankon por tiu ĉi naskiĝdatrevena kanto kaj elkorajn salutojn el Hamburgo.

Andreo

84.
anino je 2017-02-13 10:17:14    

mi forgesis noti...

83.
anino je 2017-02-13 10:16:02

Dankon pro tiu afabla mesaĝo kaj pro tiu bela muzika donaco.
Amike

82.
klarvideco je 2017-02-05 23:10:10    

Karaj esperanto-amikoj,
Jaŭdo la 2-an de februaro, jes... estis mia naskiĝtago.
Frumatene kaj surprize mi malkovris vian belan kaj kortuŝitan filmeton tre ĝoje konstruita de Katalin, Sylvain kaj plie muzikita de KAJTO kies grupo estas multe ŝatata de mia edzino kaj mi.
Dankal vi ĉiuj tiu naskiĝtago komenciĝis bele kaj ĝoje.
Jes, vere estis ' MIA TAG ".
Dankegon pri tio... kaj... JE VIA SANO... al vi ĈIUJ !

81.
NaziSolat je 2017-01-31 04:28:36    

Karega katalin! Tiuĉi iniciato estas ege bona iniciato kiu vere ŝokigis min kiel via samideano!
Dankegon !!
Samtempe mi tutkore deziras sukcesplenajn & feliĉegajn tagojn por vi kaj viaj kolegoj.
Fartu bone ĉiam!

80.
Sventem je 2017-01-21 12:58:08    

Tute mi surpriziĝis pro via salutmesaĝ' !! DANKON!! La kant' estas vigliga, ĝojiga, kantebla eĉ dancebla, helpas por ni fari Bonfarton.. Vivu nia lingvo majeste bela, kara Esperanto! AkS' el Hungari' :O)

79.
Luiz je 2017-01-17 00:13:55    

Mi tre dankas al vi pro la iniciato!
Ĝis!

78.
Albatrosulo je 2017-01-16 17:05:37    

Mi tre dankas pro la multaj bondeziroj je mia naskightago. Mi tre ghojis pri tiu chi bela ideo. Multan dankon kara Katalin.

77.
jmjsenlime je 2017-01-10 09:04:34    

Multan dankon pro tiu bona ideo: mi delonge shatas la grupon "Kajto" (kun kiu mi konatighis dum kongreso, en Roterdamo se mi bone memoras, kaj kiuj provizis al mi mian unuan diskon en esperanto!). Mi naskighis sub la china signo de la "Porko", por kiuj la aùguroj anoncas bonegajn aferojn por 2017, kaj chi-jare mi aparte ghojas okaze de mia naskigh-datreveno!

76.
Johan_Derks je 2017-01-10 08:41:07    

Belega kanto kaj aranĝo! Vi vere feliĉigas min (sed ne tro longe, ĉar mi havas laboron ........)

75.
soraja je 2017-01-08 12:26:11    

Dankegon pro ĉio tre bela masaĝo.
Amike, Sonia

74.
esperanna je 2017-01-05 20:21:38

Koran dankon pro la bela mesaĝo!

73.
gravuristo je 2016-12-30 09:23:32    

Dankegoooooooooooooooooooooooojn kaj mi ĵus iĝis onklo.........................jesssssssssssssssssssss mi baldaŭ ekparolumos. Ni planas ankaŭ partopreni en IJK............................en Togolando.......................Varmegajn kisegojn de la freneza avo......

72.
mondano je 2016-12-27 14:12:45    

Karaj geamikoj! Multan dankon por bonega bondezira kanto. Feliĉan kaj fruktodonan Novan jaron al vi!
Amike kaj kortuŝe via Aleksandro Kogan

71.
Larisa je 2016-12-26 18:18:49

Grandan dankon por la bonega kanto!

70.
fejfi je 2016-12-26 00:06:39

Belege: gratulo de mia kara Katalin kaj amata grupo Kajto - bonega kaj konvena donaco por mia naskiĝtago. Koran dankon al ambaŭ!

69.
Vojacek je 2016-12-18 10:24:47    

Mi tute ne pripensis kaj ne atendis tian belegan kaj gajan gratulon. Venontjare mi volas gvidi kurson por komencantoj, sed ankoraŭ mankas kursanoj. Tamen mi povus sukcesi kiel onklo por progresigi genevojn-komencintojn.

68.
volodimir je 2016-12-09 20:19:22    

Koran dankon pro la originala gratulo!
En la venonta jaro mi pretas realigi la jenajn E-aranĝojn:Mirinda Lviv,27.04-02.05; Milan Zvara,19-29.07;KES,21-27.10. Bonvenon!
Al vi mi deziras multajn sukcesojn, fortan sanon, reciprokan amon kaj grandegan personfeliĉon!

67.
Nicolau je 2016-12-06 07:04:28    

Dankegon! Belegan surprizon mi ricevis. Hodiaŭ, festante mian tagon, mi pensas ankaŭ pri miaj amikoj el Esperantujo. Jam baldaŭ ni eniros la Zamenhofan Jaron kaj okaze de tio nia loka asocio (Majorka Esperantistaro) revigliĝis kaj bonŝance plijuniĝis, novaj agoj pretiĝas ĵus nun, kaj tio ĝojigas min kiel donaco. Gratulon pro ĉio kion vi faras por Eo.

66.
Grazina je 2016-12-01 07:28:53    

Koran dankon Katalin kaj Kajto! Belega donaco kaj surprizo kiu vere naskiĝtagon faras festo!

65.
Danielalancioni je 2016-11-28 18:28:34

Gratulon por gaja bondeziro.

64.
petit je 2016-11-23 12:21:57    

Dankon por gaja bondeziro. Mi nun provas lerni registradon de voĉo. Jen la unua hirundo en la retpaĝo de Anton Oberndorfer la 18-an de novembro. Tiel mi kontribuos, verŝajne baldaŭ sola.

63.
ansardom je 2016-11-20 19:45:31

La plej ŝatata gratulo estas tiu kiu alvenas surprize kaj ni ĝin ricevas kun malfermita koro! Dankegon!!!

62.
snaige je 2016-11-18 21:49:11

Karaj, koran dankon al vi pro gratuloj. Kia genie simpla ideo de motivigo! Dummomente la unua duono de la venonta jaro estas finplanita. Paralele konstante venas pensoj pri kaj por Esperanto.

61.
Matos je 2016-11-13 09:10:56    

Mi estas agrable surprizita pri ĉi tiu donaco! Vi
Katalin, fakte, estas lumego en nian movadon!!! Mi
gratulegas kaj dankegas vin!
Mi ne promesas, sed mi faris uzadon de nia
amata lingvo, ĉe japanaj personoj en Tokio kaj
Kioto, en la lasta oktobra monato. Mi kaj mia
familio faris novajn geamikojn tien, danke al
Esperanto. Inklusive, ĉi tiun fakton pruvis min
la gravecon de ĉiĉeronadon per nia lingvo kaj
disvastigado de ĝi. Ĉiĉeronado per esperanto
alvokas intereson de la popoloj; mi konstatis
tion en la praktikan ĉiutagan vivon.
Mi taksas ĉiĉeronadon kiel bonegan ilon por ni.
Pro tio, mi akceptas sugestojn de vi pri la ideo
starigi profesiajn kaj volontulajn esperanto
bazajn kursojn celante ĉi tiun aferon, rilate via
kaj mia lando.
Brakumon al vi kaj al viaj familianoj!!!
Edison Matos el Brazilo
ed1son1951@gmail.com
Dankon! 13/11/16.

60.
fransoazo je 2016-11-11 11:24:17    

Dankon, Katalin, pro la originala kaj kortuŝa ideo gratuli onin okaze de onia naskiĝtago!

59.
kimjezus je 2016-10-28 11:03:31

Dankon pro la muzika saluto !!
Kaj jes ankaŭ mi deziras doni pli da kulturo al Esperanto la venontan vivjaron. Antaŭ la somero mi eldonas novan albumon kaj dum la somero mi estas parto de la organiza teamo por la deka Kultura Esperanto Festivalo kiu okazos en Esperanto-gården en Svedio.

58.
leframibra je 2016-10-23 16:20:28    

Kara Katalin,
Dankon al vi pri via tempo kaj energio ! Eble, kelkaj proksimaj homoj subtenas vin en tiu movado. Do, dankon al tiaj homoj ! Vigliĝi homon je sia naskiĝtago estas bona ideo. Dum la venonta jaro, mi deziras (sed ne promesas) rakonti pri mia relato al la movado. Kial ? Ĉar nuntempe mi ne pratikas, kaj ne havas fortajn kialojn por pratiki.
Kore.

57.
Marta29 je 2016-10-21 10:39:07    

Karaj!
Mi tutkore dankas por viaj belaj bondeziroj! Dank' al vi la hodiaŭa tago mi jak povas agnoski kiel "brila, grava evento en mia vivo" :) Kaj speciale mi pensas varme pri la esperanta mondo en kiu mi trovis mian propran lokon kaj estas feliĉa ke tiom da gesamideanoj estas ankaŭ miaj amikoj! En la sekva mia vivjaro mi kompreneble volus plu studi Esperanton kaj solvi ĉiujn taskojn por Instruista Trejnado, do havi bonan daŭrigon en februaro kaj septembro 2017 kaj pli da tre simpatia etoso kun esperantistoj! :)

56.
korlando je 2016-10-18 16:28:38    

Amata Katalin,
vi denove montris, ke vi sxatas felicxigi aliajn! Belega ideo kun la gratulfilmo, speciale grava por mi, cxar tiu cxi kanto ravigis min de la unua momento, kiam mi gxin ekauxdis! Mi petis vin tiam pri la vortoj de la kanto, cxar mi ecx gxin tradukis al pola (kaj ie perdis:( la tradukon...)

Korajn dankojn al vi kaj al KAJTO - mi promesas, ke niaj ensembleanoj -la juna gxia parto - lernos la tekston kaj la muzikon kaj dum iu komuna E-arangxo , oni kantos tiun cxi belegan, plenan de gxojo kaj entuzjasmo kanton, kantigante la publikon. Niaj ekzercoj komencigxos ankoraux cxi monate!

Kisojn de ni cxiuj, cxar fakte la donaco pliricxigos nin cxiujn...

Amikeme - Halina

55.
konstantinos je 2016-10-11 14:58:01    

Rava surprizo, belega kanto! Koran dankon!

54.
ocxjogucxjo je 2016-10-11 05:21:07    

Formidable! Pardonu, tiu adjektivo ne ekzistas en E-o. Mi diru: magia, raviga! Certe bonega ideo. Volonte mi lernu ĉi-tiun kanton.
Kial do ankoraù ni atendas tiun neniaman finan venkon? Ĉu jam ne bonas tia venko? Esti salutata tiel amike signifas havi amikojn mondvaste. Tutkore mi ekkrias mian koran dankon!

53.
Verdastel je 2016-10-10 19:37:30    

Dankegon Katalin kaj la kantistoj !
Granda surprizo tre agrabla en mondo kaj vivo ne ĉiam mildaj, mi ricevis ĝin kiel florbukedon kaj ĝi plaĉis al mi. Mia deziro por tiu jaro estas plu labori por la disvastigo de Esperanto kaj precipe fini la programon RITE, kiun mi penas plu sekvi pro troa alia laboro precipe profesia. Mi tamen havas la firman volon daŭrigi kaj faros tion, mi scias ke baldaŭ mi trovos iom da tempo por tio. Denove dankon kaj saluton de la montoj inter Francio kaj Italio!

52.
a2na je 2016-10-09 18:02:08

Dankegon,
Ege plaĉa surprizo - mi promesas en mia sekva vivojaro legi pli en esperanto kaj malpli miksi lingvojn ;-)
a.

51.
Desiderio je 2016-10-09 15:47:22    

Saluton kara Katalin kaj teamo

Mi tre ŝatas vian muzikan donacon kaj vian ĝentilan vortojn por okazo de mia naskiĝdatreveno! Mi multe amas la muzikgrupon Kajto, kaj ĝia filmeto “Ĉi tiu Tag' kanto de Nanne Kalma” estas mirinda! Mi kore tre dankas al vi!

Desiderio, el Brazilo

50.
amandahigley je 2016-10-07 17:37:05    

Kia bela donaco! Dankon amikoj, pro via sindona laboro krei tiun ĝojigan filmeton. Mia promeso estas ke mi dediĉos min ĉijare al plifortigo de la kapablo de miaj filinoj skribi kaj legi en Esperanto (ili denaske kaj flue parolas, sed malofte legas aŭ skribas en Esperanto). Mi klopodos ke post unu jaro ili havu almenaŭ egalan kapablon legi kaj skribi en Esperanto kiel en la loka lingvo (aŭ eĉ pli bonan... ĉar temas pri la angla!)

49.
laszlo je 2016-10-06 07:40:53

Koran dankon al vi pro ideo kaj kara bondeziro! :)
Elkore:
Laszlo

48.
Stefan je 2016-10-05 08:12:12    

Karaj! Koran dankon pro tiu bela saluto! Mia promeso, laboregi (ne nepre "senlace") por antaŭenigo de la fakoj, pri kiuj mi respondecas: kontaktado kun Landaj Asocioj, ĝemelaj urboj, Jaro de la Lernanto, universitatoj kaj kapabligo entute, krome revigligo de la uzado de Fondaĵo Canuto kaj laŭgrada reakuratigo de la oficala organo de UEA. Jam plena jaro antaŭ mi kaj ni!

47.
pomer je 2016-10-05 07:10:42    

Karaj Katalin, Ankie kaj Nane,
mi dankas al vi pro tiu belega naskiĝtaga donaco. Mi estas vere kortuŝita. Mi sentas min parto de nia granda esperantista familio. Mi volus agadi laŭ miaj fortoj sur la kampo de disvastigo de Esperanto. Por mia progreso - mi promesas almenaŭ unufoje en semajno aŭskulti E-radion - por pliriĉigado de mia vortprovizo. Dankon pro tiu grandega surprizo.

46.
jpsparenberg je 2016-10-03 07:06:18    

Kia ĉarma ideo. Elkoran dankon pro tiu, kara Katalin. Jen mia promeso por nia ŝatata movado : plue labori kun Valère por kreskigi, plibonigi, vigligi la Verdajn Skoltojn (https://verdajskoltoj.wordpress.com/)

45.
Luchjo je 2016-10-01 13:37:37    

Dankon, Katalin!

44.
Luchjo je 2016-10-01 13:37:37    

Dankon, Katalin!

43.
retnula je 2016-09-30 06:50:56    

Kia bona ideo !
Dankegon Katalin !
Unu plia jaro sur la kalendaro, sed dank'al vi kaj Kajto, dek malpliaj jaroj en la koro !
Ginette

42.
margaretha je 2016-09-28 05:49:16    

Mirinde kiel vi pripensas surprizigi nin !!! Koran dankon! Margaretha

41.
fringilla13 je 2016-09-27 22:33:06    

Kara Katalin, mi tre dankas por la ĝojiga naskiĝtaga donaco. Kore - Gosia

40.
Esperti je 2016-09-17 17:14:41    

Dankon! Estis vera surprizo.

39.
kklaudio je 2016-09-16 20:58:08    

Mi tre dankas kaj gratulas al vi pro via iniciatemo.

38.
Kamali je 2016-09-11 06:28:08    

Koran dankon al vi.

37.
Metatronido je 2016-09-07 17:20:35    

simpatia

36.
Uriel_Gurdian je 2016-09-06 00:08:58    

Belega surprizo vere ĝi estas!
Koran dankon al vi kaj al viaj amigoj kara Katalin.

35.
Mirka je 2016-09-04 19:28:53    

Kia bela surprizo! Koran dankon :-)

34.
EMARIA je 2016-08-30 12:45:36    

Kara Katalin kun Amikoj! Viaj bondeziroj kaj la kanto estas hodiaŭ por mi la plej surpriza donaco - granda dozo da optimismo. Koran dankon!

33.
arankal je 2016-08-27 06:06:35    

Dankegon, kara Katalin!

32.
ĵajroad je 2016-08-26 13:59:53    

Kara Katalin! Mia surprizo estas giganta per tiu via donaco. Mi esperas, ke vi kaj viaj karuloj sentas miajn gajecon pli ol suna lumo! Verdire, viaj agoj plifortigis Esperanton kiun mi reaktivigis en 2004, mi esperas povi esti tre utila al esperantistoj kaj helpi ilin celebri siajn naskiĝtagojn ankaŭ. Mi memoras la brakumon kiun mi donis al vi en TAKE 2011 kaj mi nun rebrakumas vin interete kaj petas transdoni tiun brakumon al via edzo kaj filino kaj ĉiujn viajn karajn estulojn.

31.
autuno je 2016-08-23 02:15:43

Dankegon, Katalin por la surprizo. Mi estas tre kortuŝita pro tiu afabla ago. La kanto estas tre ĝojiga.

30.
Purgly je 2016-08-23 00:03:38    

Koszonom szépen Katalin.
Mi tutkore dankas al vi Katalin.
Frate via el brazilo,
Zsorzsi, Jorge Purgly

29.
marino je 2016-08-22 19:47:11

Dankegon , katalin pri la omago. dio benu vin.

28.
NicoleM je 2016-08-21 21:15:44    

Dankon Katalyn pro la bela surprizo! Nicole

27.
Herbivoro je 2016-08-20 10:10:21    

Saluton Katalin!

Dankon pro via mesaĝo kaj la belega kanto! Miaj promesoj:
- Mi plibonigos mian Esperanton: mi klopodos studi ĉiu tage (legi libron, aŭskulti muzikon, paroli,...).
- Mi instigos miajn lernantojn por ke ili lernus Esperanton, ankaŭ post la lecionoj.
Amike,
Sandra

26.
Lins je 2016-08-12 07:57:17    

Dankon, Katalin, pro tiu bela donaco!
Ulrich Lins

25.
Momojura je 2016-08-08 22:19:35    

Mi tre ŝatis tiun filmeton.
Multe dankon pro la amika mesaĝo de Katalina kaj la tre bela kanto de Kajto.
Kore - Monika el Francio

24.
cspinola je 2016-08-06 13:00:23    

Tre bela , kortŝa kaj dankinda iniciato de Katalin kaj Kajto. Anky kaj Nanne havas la muzikon kaj poezion en ilia koro. Dankon. Carlos Spinola

23.
Raita je 2016-08-04 07:13:11    

Ne estis mia naskiĝtago kiam mi aŭskultis, sed tamen la kanto ĉiam memorigas nin pri la valoro de la vivo, de la nuna momento. Tre taŭga kanto por eliĝi el pesimismo. Mirinde aŭskulti kaj sekvi la vortojn perokule. Dankon!

22.
verdina je 2016-08-03 02:13:51    

Karaj Katalin Ankie kaj Nane,
Dank'al vi. mi havas belan kaj felicha naskiĝtagon . Tute ne atendite! Estis vere surpriza donaco.
Lastjare, en Lillo, mi hazarde kantis kun la grupo Kajto. Mi shatas la kantojn.
Deneve dankas pri viaj specialaj gratuloj.

21.
jannick je 2016-08-02 09:56:11    

Dankon!

20.
rpyle731 je 2016-08-01 06:43:12

Dankon!

19.
honig je 2016-07-28 09:57:24    

La kanto estas tre bela. Al mi estis agrable aŭsculti ĝin en mia naskiĝtago. Koran dankon!

18.
Monika je 2016-07-28 00:15:52    

Dankon! :)

17.
viktor_lufimpu je 2016-07-27 07:26:37

Mi estas kortushita pro via surpriza bondeziro, mi dankas vin, ke Dio benu vin !

16.
galo50 je 2016-07-21 06:29:23    

Koran dankon pro tiu ĉi belega surprizo, kara Katalin!! Vi ĝojigis mian komenciĝantan tagon!! Brakumon

15.
nancy je 2016-07-20 07:59:15    

Grandan dankon pro tiu rava mesaĝo, kiun mi malkovris nur revenante el ferioj ! Ĝi faris al mi multe da ĝojo ! Dankon ! Ĝis Nitra !
Plejamike Nancy

14.
Advalk je 2016-07-19 01:21:59

Ŭaŭ! Bela mesaĝo, raviga! Koran dankon! La promeso? En la urbo kie mi nun loĝas ne ekzistas aliaj esperantistoj. Mi jam kontaktis kelkajn homojn kaj kiam mi revenos de Nitro mi ekinstruos bazan kurson ĉi tie. :)

13.
Kelli je 2016-07-18 21:00:07    

Kia belega surprizo!
Dankon al vi Katalin, Nanne kaj Ankie. Tiu bela kanto tre ravis min.

Kore,
Kelli.

12.
Enriko51 je 2016-07-14 09:25:35    

Korajn dankojn por via ĝoja surprizo!

11.
Hazel je 2016-07-14 07:34:14

Koran dankon. Ĝi estas bela ĝoja kanto.

10.
lorenzoN je 2016-07-14 04:18:31    

Dankon al vi, dankon al Esperanto, dankon al la AMO!

Ja Kajto estas mia preferata muzik-grupo,
kies kantoj akompanas kaj flugigas mian koron.

Antaŭ iom da tempo, mi iom suferis pensante ke Kajto jam ne estis kvaropo...
Tamen... DUOPE same mirindas...

KajtKore, LoreNzo

9.
jurganov je 2016-07-12 06:55:24

Katalin Ankie kaj Nane!!
Gekaruloj!

Grandegan dankon pro la surpriza kanto!
Nun mia humoro daŭre lumos por ĉiuj!

Sincere amike Vladimir

8.
lumario je 2016-07-07 00:37:25    

Karegaj geamikoj,

Tre agrabla surprizo. Mi kore dankas al vi cxiuj.

Luiz Mario

7.
Christa627 je 2016-06-29 07:20:44    

Ho, naskiĝtagan doncacon, por mi! :-) Kaj estas mia plej ŝatata muzikgrupo! Kiel agrable, dankegon! :-D

6.
reza je 2016-06-28 15:40:42    

Koran dankon pro bela naskightaga donaco.

5.
ralfelektulo je 2016-06-25 03:32:17

Koran dankon pro la bondeziro.

4.
anjo je 2016-06-19 11:52:08    

Karaj Katalin Ankie kaj Nane,
Mi ege dankas vin ĉiujn pro tiu ĉi belega naskiĝtaga saluto.
Pasintjare, en Lillo, ankaŭ mi kantis kun Ankie kaj Nane tiun
ĉi kortuŝan kanton, kun aliaj kongresanoj dum unu komuna
kantado.
Mi esperas revidi vin ĉiujn en Nitra dum la 101a UK, kie mi
koncertos dum la Ĉina Tago.
Ĝis revido, kun miaj elkoraj brakumoj,
Anjo

3.
nicolee je 2016-06-11 00:09:55    

Bonega filmeto!

2.
toto je 2016-06-10 01:36:51    

Tiu gratulo-muziko treege ĝojigis min! Tre agrabla bondeziro!
Elkoran dankon al vi ĉiuj.

1.
Elala je 2016-06-06 06:41:01    

Kiel kortuŝa iniciato! Dankegon! Imagu, ke ĝuste esperantistoj estas tiuj, kiuj atendis eĉ la noktomezon por saluti min feste. Do, mi promesas ankoraŭ pli energie labori porke ni festu komune la jaron 2017 kaj graven datrevenon de L.Z. Hodiaŭ tiucele mi renkontiĝos kun la urbestro de Bjalistoko.

Kopirajto © 2001 - 2017 edukado.net. Ĉiuj rajtoj rezervitaj.
Funkciigita de Fondaĵo Edukado.net kunlabore kun E-dukati, ESF kaj E@I.

Programado kaj aspektigo
de Studio GAUS.