Gastolibro

La gastolibro celas ke oni ĉi tie esprimu sian opinion pri la paĝaro, sendu bondezirojn ks. Se vi volas havi respondon al iuj demandoj aŭ volas pridiskuti ion, por tiuj celoj bonvolu uzi aŭ la kontakt-formularon aŭ la forumojn.

La retadresoj en la gastolibro estas aŭtomate protektataj kontraŭ spam-robotoj.

 Aldoni novan mesaĝon

703.
Leandro (Brazilo) je 2015-04-13 17:15:21

Ankaŭ ŝatus esprimi dankon pro la ludo. En du jaroj mi respondis centojn kaj centojn da demanoj, kiuj multe kontribuis por mia esperantista kleriĝo. Mi pli multe maltrafis ol bone trafis respondojn... sed ĉiuokaze ĉiam tre ĝoje ludis. Nun en nia lernejo ni regule okazigas memstarajn RISKO-sesiojn. Ne necesas diri, ke ili furoras!

702.
Aranka (Serbujo) je 2015-04-13 17:05:47

Gratulon por la dua naskiĝdatreveno de la RISKO-ludo! Koran dankon al Katalin kaj Mogens!
Ĉi tiu ludo por mi ĝenerale, kiel hobio, signifas ripozon. Ĝi fariĝis kutimo, tiel ke mi multfoje ensalutas ludi, kaj poste kontrolas la novaĵojn de la paĝaro. Mi ĉefe riskoludis ne pro rezultoj, sed pro kvizo mem. Mi ne riskis multe, ĉar la kelkfojaj perditaj poentoj malĝojigis min. Do, kiam mi sukcesis solvi la unuajn du demandojn, mi multfoje feliĉe finis la ludon.
Mi preterlasis tagojn kiam mi forvojaĝis kaj ne havis teknikajn eblecojn. Interese, ke tio estas sume 59 tagoj! Okazis certe ke mi forgesis aŭ simple ne povis ludi pro multaj devigoj aŭ malsano.
Mi proponas al ĉiuj esperantistoj la ludon, povas esti ne nur amuziĝo, sed ankaŭ bona ekzerco kaj lernilo!

701.
Burdo (Pollando, Ełk) je 2015-04-13 15:57:53

Gratulon por ĉiuj riskoludantoj, kiuj estas pli diligentaj kaj pli sciantaj ol mi. Koran dankon por Katalin! Krom kolektado de puentoj tre gravas ricevi respondon al la demandoj, kiujn mi ne scias respondi. Mi notas tiujn respondojn ... sed ne ĉiam mi ilin memoras kaj denove faras la saman eraron ... Sukcesojn por ĉiuj!

--

700.
Vojáček (Ĉeĥujo, Brno) je 2015-04-13 15:49:49

Mi ne ludis nur tiam, kiam mi ne havis aliron al interreto, plej parte kiam mi estis en hospitalo. Ĉe lingvaj demandoj mi ofte havis problemon respondi ĝustatempe. Mi tralegis la demandon, eblecojn por respondo kaj kiam mi elektis la ĝustan, mankis sekundo por klaki sur la respondon.

699.
Valentin Melnikov (vmel) (Rusujo, Moskvo) je 2015-04-13 14:32:12

Mi gratulas ĉiujn RISKO-ludantojn okaze de la dujara jubileo de la ludo. Koran dankon al Katalin, Mogens kaj (nekonataj por mi) programistoj, kiuj donacis al ni tiun mirindaĵon. Por mi ĝi fariĝis nemalhavebla parto de la vivo, kiel mi jam skribis aliloke... Kiu ankoraŭ ne provis - venu riski!
Kiel iam skribis Kalocsay pri alia afero, “ĝi vin ne sole distras, sed instruas / (...) / kunligos vi plezuron kaj utilon”.

698.
Karel Votoček (Ĉeĥujo, Štětí) je 2015-04-13 14:01:42

Same al mi ege plaĉas la ludo, kvankam mi multfoje perdas akiritajn poentojn por nesufiĉa kono de la movado kaj la kulturo. Mi povas diri, ke mi plej ofte sukcesas ĉe lingvo, tamen ne ĉiam. La demandoj estas sufiĉe malfacilaj.
Pro la statistiko mi proponas vicigi la ludantojn laŭ plua kriterio (eble tempo) por ke ĉiu ludanto troviĝu sur memstara loko sola. (Hodiaŭ la ludandoj kun la sama nombro da poentoj staras sur iu loko kune.) Aŭ eblus ellasi tiom da sinsekvaj vicoj, kiom da ludantoj troviĝas sur la sama loko. Tiamaniere mi povus eĉ komence de la monato ekscii, ĉu mi pliboniĝas aŭ malpliboniĝas.
Mi alvenigis 2 (fakte 3) novajn ludantojn. Daŭre mi popularigas la ludon eĉ eksterlande.

697.
Telemo (Francujo) je 2015-04-13 12:20:12

Ghojan naskighdatrevenon Risko ! Mi ghojas partopreni kaj ludi ! Tio kio plej plachas al mi estas vidi ke ni estas multnombraj kaj de vere tre diversaj landoj do mi sentas min vere membro de mondskala familio kaj komunumo ! Ni plu amase ludu ! Mi brakumas vin

696.
autuno (Vjetnamujo, Hanojo) je 2015-04-13 10:34:28

Gratulon okaze de la dua datreveno de RISKO-ludo. Dum la unuaj monatoj, mi ja ludis, sed pro sano, aĝiĝo, mi neniam gajnis bonajn poentoj, mi malkuraĝiĝis kaj ne plu partoprenis. Hodiaŭ,responde al la invito de Katalin, mi provludas kaj ekkonscias, ke la celo ne estas gajno de poentoj, sed plibonigo de konoj en ĉiuj sferoj de esperantologio. Mi ne kuraĝas promesi regule ludi, sed bonvolu konsideri mian reagon kiel dankemo al Katalin kaj al Rude Mogens Andersen kiu helpis min tiom multe en miaj aktivecoj ene de edukado.net. Al la regulaj ludantoj mi esprimas mian admiron kaj gratulon; al la neregulaj ludantoj, mi diras "kuraĝon!" kaj al la neuzantoj, mi alvokas "Partoprenu, kiu ne riskas, nenion havas". Amike salutas, autuno el Vjetnamujo.

695.
Ruselo (Pollando) je 2015-04-13 10:29:11

Risko ekzistas jam du jarojn - Gratulon!
Ĝi estas ne nur amuza ludo sed ankaŭ interesa kaj instrua pri esperanta kulturo, movado, kaj lingvo. Ludante ĝin, oni povas senti fieron pro siaj ĵus konfirmitaj scioj aŭ feliĉon pro ĵus lernitaj novaj faktoj, do estas gajno ambaŭokaze. :)

694.
Mike59 (Francujo, CASTELLANE) je 2015-01-01 19:18:12

FELIĈAN NOVAN JARON 2015 mi tutkore deziras al ĉiuj geamikoj en la tuta mondo kaj al la teamo de Edukado.net, precipe al Katalin!
Vivu nia bela lingvo Esperanto !!!
(BV pardoni mian eraron en la antaŭa mesaĝo - sed ne eblas korekti la senditan tekston ...)

 Aldoni novan mesaĝon

1 ... 5 6 7 8 9 10 11 12 ... 79

Kopirajto © 2001 - 2017 edukado.net. Ĉiuj rajtoj rezervitaj.
Funkciigita de Fondaĵo Edukado.net kunlabore kun E-dukati, ESF kaj E@I.

Programado kaj aspektigo
de Studio GAUS.