KER en TORINO
 | Ekzamenebloj por la partoprenantoj de la 108a Universala Kongreso en Torino. Vi povos trapasi ankaŭ la novan nivelon: C2. Detalaj informoj pri la KER-ekzamenoj La skriba kaj laboratoria ekzamenoj okazos vendredon, la 4-an de aŭgusto. Pri la individuaj parolintervjuoj legu sube. Por pliaj informoj skribu al |  |
KER-ekzamenoj de UEA je kvar niveloj
UEA denove okazigas dum la kongreso ekzamenojn, bazitajn je la Komuna Eŭropa Referenckadro. Estos ekzamenoj je la konataj niveloj B1, B2, C1 kaj C2.
C2-ekzameno certe okazos.
Je ĉiu nivelo okazos skribaj kaj parolaj ekzamenpartoj. Ĉi-lastaj konsistas el aŭdkomprenaj taskoj kaj antaŭkomisionaj buŝaj ekzamenoj (intervjuoj). La priskribo de la enhavo kaj la postularo pri la unuopaj ekzamenniveloj konsulteblas en la ekzamenpaĝo.
La ĉefa ekzamentago estos vendredo, la 4a de aŭgusto, kiam okazos laŭvice la skribaj kaj aŭdkomprenaj ekzamenoj je ĉiuj niveloj.
La nombro de lokoj por la parolaj intervjuoj dum la kongreso estos limigita, sed eblos trapasi ilin rete, pere de Zoom je unu monato ankaŭ antaŭ kaj post la kongreso. Fruaj aliĝintoj havos pli da ebloj elekti sian ekzamentempon. Jen la detala horaro kaj eblo rezervi lokon.
Interesiĝantoj povas peti ekzamenspecimenojn ĉe https://edukado.net. Pliajn informojn (postuloj, prezoj, statistiko, aliĝilo ktp) legu ĉe https://edukado.net/ekzamenoj/ker aŭ petu ĉe la adreso de ker-ekzamenoj.
Aliĝi necesas antaŭ la ekzameno.
La ekzamenkotizoj varias laŭ la landkategorioj de la membrokotizoj de UEA. Pri la pagenda sumo kaj pagmanieroj atendu la fakturon de UEA. Por dumkongresa aliĝo kaj/aŭ pago estos kalkulataj kromkostoj. Jen la aliĝilo: https://edukado.net/ekzamenoj/ker/sesioj
En la programo de la Kleriga Lundo Katalin Kováts, gvidanto de la KER-Ekzamena Centro, okazigos informprogramon pri la sesioj, dum kiu eblos vidi specimenojn, ricevi konsilojn kaj starigi demandojn.
