El la blogo de Viktor: http://www.ipernity.com/blog/viktoro/371016
Mia samasociano Éric Collignon naskiĝis en Belgio. Dum sia juneco, li esperantiĝis kaj en internacia aranĝo renkontis sian estontan edzinon. Ŝi estas kataluna kaj la nova paro loĝis en urbo Sabadell (lulilo de la kataluna esperantismo, apud Barcelono). Hieraŭ Éric aperis en tiu interesa programeto, nomata Tot un món. En ĉiu ĉapitro, la programo montras la vivon de homo kiu alvenis al Katalunio. Ĝi montras lian aŭ ŝian laboron, domon, kaj ĉefe la lingvon aŭ lingvojn, kiujn li aŭ ŝi uzas en sia ĉiutaga vivo.
Éric bonege ĉefrolis kaj montris tre bone Esperanton!
