Fotoalbumoj

Karegaj Arko, Wen kaj Lunkaŝa! Mi ĝojas vidi vin kun tiuj grizkovrilaj KER-dokumentoj, kiuj pruvas vian ege diligentan laboron multjaran (Arko) kaj tutmonatan BEKumante sur Esperanto-Insulo (Wen kaj Lunkaŝa). Vi ĉiuj meritas tiun ĉi sukceson!!! Mi gratulas al vi ankaŭ nome de Juraj kaj ĉefe nome de Mirko, kiu laŭ mi multe helpis al vi, Wen, ĉe "nia" tablo! Restu sanaj kaj iam kaj ie ĝis en Esperantujo! Amike Fejfi

Koran gratulon kaj multajn bondezirojn al vi! Oni diras, ke "plenumita laboro estas ĝojiga". Mi esperas, ke vi havas kaj havos multan ĝojon pro la sukcesa ekzameniĝo. – Vi rajtas esti fieraj pri via diplomo!

Karaj!
Mi gratulas al vi, mi ĝojas pri via sukceso! Eble ni iom helpis al vi lerni Esperanton, sed vi povus instrui al ĉiuj vian samtempan gajecon kaj laboremon. Tion mi ŝatus lerni!

saluton, karaj: koran dankon pro via gratulo.
Mi ne atendis tion dum mia preparado por E-insulo. Vere, ĝi donis al mi grandan surprizon. Dankon al Katalin, sen ŝia kuraĝigo, eble mi ne aliĝis al la ekzameno, ĉar mi timas, ke mi ne sukcesus.
Mi ankaŭ havas alian diplomon, kiun mi gajnis en Germanio dum la 50-a IS, 2006-2007, Zsofia instigis min partopreni kaj finfine en la lasta momento mi aliĝis kaj feliĉe mi trapasis la ekzamenon.
Tra la ekzameno mi vidis mian malfortan flankon. Klopodu kaj klopodu! Arko

Kara Arko, Lunkaŝa kaj Wen,
Gratulon! Mi sentis ĝojon rigardante vin triope kun la prestiĝa diplomo. La semajnoj sur la Esperanto-Insulo restas gravuritaj en mia koro. Bone ke vi plukis la rezulton de via laboro de Esperant0-studoj. Mi esperas rerenkonti vin iam dum Esperantujo-arangxoj. Dauxrigu kaj gxuu la vivon. Amike, Margaretha

Karaj,
Elkoran gratulon por via plene meritita sukceso!
Amike,
Endre

Saluton al la tri belaj sukcesintinoj !
Mi certas ke, dank'al tiu diplomo, vi efike kaj entuziasme daŭrigos la disvolvigon de la internacia lingvo. Mi esperas denove renkonti vin dum alia renkontiĝo.
Tutkore,
Maja