Laux mia opinio, bonega estas japana lernolibro “Hanako lernas Esperanton” de Cxieko Doi. En gxi estas nur Esperantaj tekstoj, do, gxi povas esti uzata ie ajn en la mondo: kaj samtempe gxi montras al internacia publiko iujn konojn pri Japanio kaj japana vivo; do, gxi donas ankaux kulturajn sciojn krom pure lingvaj.
Mi uzis gxin dum multaj jaroj en nia klubo, kaj cxiam lernantoj ege sxatis gxin. Kompreneble, pro sia aspekto (nur esperantlingvaj tekstoj) oni povas uzi gxin nur kun la helpo de instruisto. Sed certe, mi multon aldonas, klarigas dum la lecionoj por ke ili estu vivaj. Kaj al lernantoj estas INTERESE lerni, interese ekscii ne nur la lingvon, sed ankaux la nuancojn de alia kulturo, alia vivstilo.
Versxajne, tio koncernas gxuste junularon, kun kiu mi kunagis. Sed ja gxuste de junularo dependas vivanteco de nia lingvo!
Jes, en la libro estas multaj tekstoj por legi; kaj aldone ekzistas preskaux duoble pli dika libreto kun ekzercoj. Do, cxio estas sisteme kaj sagxe ekvilibrita; kaj mi sincere rekomendas tiun libron por ne nur instruo, sed ankaux eduko de junaj homoj en la spirito de estimo al diversaj popoloj kaj kulturoj de la mondo.
.jpg 
