Katalogo

Tre helpa libro. La stilo estas amuza, sed ankaŭ klera. La libro pritraktas partojn de Esperanto kiuj estas malfacilaj por la anglalingvanoj. Mi jam tralegis ĝin dufoje, kaj mi intencas legi ĝin denove.

Tiun ĉi libron publikigis tre aŭtoritata eldonejo. La libro troviĝas en multaj gravaj publikaj kaj universitataj bibliotekoj de Usono kaj kreas respektindan bildon pri Esperanto.

Mi opinias, ke esperantistoj de ĉiu lando zorgu pri tio, ke la plej gravaj bibliotekoj de ĉiu lando havu tre bonajn (enhave kaj aspekte!) nacilingvajn lernolibrojn kaj vortarojn de Esperanto kaj ankaŭ informajn librojn pri Esperanto. Tio estas minimumo.

La libro de David Jordan estas tre detala, originala kaj saĝa. La mirinde bona partego pri falsaj amikoj povas esti ege utila ne nur por anglalingvaj esperantistoj, sed ankaŭ por ĉiuj esperantistoj, kiuj scias aŭ studas la anglan lingvon.