Panteono

Por mi Gabi estas tia persono, kiu ne mortu ! (...post Paulette Bascou - FR07, Odette Scheidel - FR67, ...).
La plej tauxga maniero ilin honori certe estas duobligi nian por-E-an agadon, kian ajn laux propraj kapabloj.
Mankas vortoj por diri al sxi. Samideane, Js.

Mi feliĉe konatiĝis kun Gabi antaŭ 4 jaroj, kiam mi turnee prelegis per Esperanto ĝis Lannion, Bretonio. La renkontiĝo donis al mi neforgeseblan impreson. Dank’al la bona aranĝo de s-ro Jean Claude Dubois mi vizitis ankaŭ ŝian fabelan dometon. Post la vizito Gabi eĉ akompanis min vojaĝi al la Roza Marbordo. Tiam ŝi jam estis 96-jara! Nun, ĉiam mi sentas min kortuŝa kiam mi rigardas la fotobildojn de ni ambaŭ.
Laŭ mia impreso Gabi estis bonkora kaj tre aktiva esperantistino. Ŝia persisto por nia movado, por instruado de Esperanto imponas al mi kaj ankaŭ al ni ĉiuj.
Ŝia forpaso estas granda perdo por esperanta movado.
Mi sendas miajn kondolencojn al ŝiaj familianoj kaj ankaŭ al ŝia grupo.
Ripozu Gabi pace!

Mi konis Gabi-n persone kaj mi estas tre malĝoja ĉar ŝi mortis , sed mi estas feliĉa, ke mi povis persone konatiĝi ŝin !!

Mi vizitis ŝin dum mia vojaĝo kaj eĉ filmis ŝin. Ŝi estis kuraĝa kaj mirinda kaj inteligenta esperantistino. Mi memoras ŝiajn belajn personecojn. Gaby ripozu en paco. via Junĉjo en Seulo.

Infanoj kaj laborantoj en la brazila esperantista instituicio Bona Espero salutas vin, kara Gaby, memorante vian kunlaboron kiel ege simpatian 88jaraĝan junan instruistinon kiu ridigis ĉiujn kun la plej amuzaj ludoj kaj historioj. Vi lasis esperigajn ŝpurojn!

Gabi forpasis, kiel mi eksciis hieraŭ nokte ĉe esperantistaj geamikoj. Gabi restis eksterordinare juna. Ŝi antaŭ ne tre longe ankoraŭ uzis komputilon. Kaj mia plej bela memoraĵo pri ŝi: ŝia 90-jariĝo. Estis komuna kongreso de la germana kaj la franca landaj asocioj en Kaiserslautern, kiun ŝi partoprenis. Dum la tuttaga ekskurso al Idar Oberstein estis ĝuste ŝia 90-jara datreveno, kaj Franjo aranĝis aperitivon honore al ŝi. La gastejestroj prave miris pri ŝia vigleco kaj juneco en tiu aĝo! Ŝi daŭre restos por mi vigla, bonhumora, helpema junulino!

Gaby estis eta virino kun grandega koro kaj larĝega animo. Mi kelkfoje gastis en ŝia fabela dometo. Ŝi multege vojaĝis ĝis lasta momento de sia riĉega vivo kaj estis perleto de ĉiuj E-aranĝoj. HELAN MEMORON!!!

La frenezaj geavoj ploregas pro ŝia forpaso. Gaby estis panjo de ĉiu...................Plor' plor' plor'..............

Nia kara Gaby estis mirinde pacienca kaj klera. Ŝi ĉiam havis interesajn anekdotojn pri lokoj, rememoroj... Ŝi restos modela pedagogo por multaj el ni. Granda perdo por la movado kaj por mi persone, kiu vere admiris ŝin. Ŝi ankoraŭ vivos longtempe en niaj memoroj.

Kara Gaby,
ni gratulas vin pro via ĉiutaga agado por esperanto.
Antaŭ ne longe, vi eĉ venigis kaj esperante kantigis junajn infanojn al maljunulejo kie vi loĝis.
Nekredebla kaj bonkora amikino !
Tutkore ni vin dankas.
Murielle kaj Jérôme, Bretonio.

Ŝi estis tia esperantistino pro kiu Ludoviko ĝojridetas en sia ripozo. Dankon, Gabi!

Gratulon al Gaby por ŝia laboro por Esperanto. " ŝi multe pli bone komprenis Esperanton post tri monatoj, ol la anglan lingvon post 7 studjaroj.... " Multaj esperantistoj diras same sed niaj registaroj bedaŭrinde ignoradas tion. Gaby tutvive " senpacience eltenis". Ŝi ripozu pace !

Mi sendas miajn kondolencojn al ŝiaj familianoj.
Gaby ripozu en paco.

Gratulojn al Gaby !
ni konatiĝis okaze de Freinet renkontiĝoj, kaj mi miris pro la engaĝiĝo de Freinet instruistoj !
kia vivo ! vi neniam ĉesis instrui ! Bonan sanon. Kisojn
Monika 05

gratulojn al Gaby kiu estas belega persono... por mi la plej bela ekzemplo de vivo.
kisojn al Gaby

Gaby, mi konatiĝis kun vi en Kvinpetalo dum ILEI-konferenco antaŭ longe. Tiam vi neforgeseble imponis min. Longe daŭru via fruktodona laboro!
Saliko (Raita Pyhälä, Finnlando)

Gratulon al Gaby, kiu estas la plej juna el niaj instruistoj per sia ĝojo kaj pasio por esperanto!
Kisojn al nia kara Gaby,
Josette kaj Jean-Pierre

Jen verŝajne la dojenino de la Panteono! Gratulojn al vi, Gaby! Mi admiras vian junecon.

Mi varme gratulas vin Gaby, nome de la klubo de Rhuys. Kaj mi deziras al vi bonan sanon kaj bonan finjaron... kaj baldaŭ bonan novjaron.

Nome de la asocio Armor Esperanto, mi gratulegas Gabi por ŝia agado por Esperanto dum tiom da jaroj. Ŝi estas inda je tiu honoro pri kiu nia asocio fieras. Krome ŝi ĉiam agadas kaj instruas ĝoje kaj ridetante. Pro tio, ĉiuj amas ŝin.
Lorenzo (Prezidanto de Armor Esperanto)

Mi elkore salutas kaj varme gratulas vin. Via maniero instrui Esperanton estas lau'dinda kaj imitinda.