Forumo

Estas la unua fojo ke ni dissendas la mesaĝon pri la grupigitaj novaj eroj, por ke vi povu sekvi la okazintaĵojn en la retejo.
Ni multe cerbumis kiuj estu tiuj sekcioj, pri kiu ni tie raportas.
Eble por kelkaj el vi la listo ŝajnas longa kaj kiam ni intense laboras fariĝos eĉ abunda, sed espereble la videbla separo de la unuopaj sekcioj helpas vin rapide trovi tiujn partojn, kiuj interesas vin kaj vi povas senprobleme transsalti la por vi ne interesajn.
Ĉiuokaze ni ŝatus nun enketi pri via opinio, viaj preferoj por ke ni, se necesas, provu rekonsideri la enhavon de tiuj mesaĝoj.
Scivole salutas vin, Katalin kaj Jevgenij

Hodiaŭ mi ricevis unuafoje la grupigitajn novaĵojn. La formulo estas vere plaĉa kaj utila. Kaj la nova retejo estas vere bela kaj krome bonege aranĝita. Gratulojn!
José Pinto de Sousa

Estimata Redaktorino !

Ideo de la grupigitaj novaĵoj estas revelacia kaj nemalhavebla koncepto permesanta, sen speciala peno trovi serchatan elementon de la elektita kategorio kaj pristudi ghin detale.
Ekzemple interesas min lingvistika diplomlaboraĵo de Jan Sosniecki titolita: 'Pri la vorto kaj sintakso en la planlingvo Esperanto', kiu estas skribita en danlingva versio, tamen ĉu ĝi ne estas alirebla en esperantlingva versio ? Kaj se ne, ĉu nia kara licenciato ne povus ĝin Esperantigi ? Jen mia mia retorika demando ĉe fino de mia opinio kaj ankoraŭ meritaj gratuloj por Katalin kaj Jevgenij - amike - Antonio.

Tre bone konceptita - kaj efektive utila - iniciato por kunhavigi koncizecon de la informo, kategoriigon de la enhavoj kaj efikan lego-prokrasteblon al pli trankvila tagoparto. Gratulon kaj dankon.

En la festa tago Katalin konsilas viziti la paĝon de "donacoj". Tion vi trovos sub la titolo subteni. Bedaŭrinde Katalin ne mencias, kiom proksimume la modernigo kostas. Certe ĉiuj eŭroj estas bonvenaj. Bonan Zamenhof-tagon!