Forumo

Nia elstara kaj sindediĉa metodikistino Katalin devus esti en la Panteono. Mi alvokas la kolegojn, ke ankaŭ ili subtenu mian proponon kaj instigu Katalin por ke ŝi enmetu la datumojn pri si mem.
Amike Ilona Koutny, Interlingvistikaj Studoj de UAM, Poznan.

Mi tutkore apogas la proponon de Ilona Koutny, Katalin nepre devus esti en la Panteono.

Dorota Burchardt

tutkore mi subtenas la bonegan proponon de Ilona. Kara Katalin nepre rakontu pri vi kaj pri via mirinda laboro !
Monika05

Jes, evidente, ke ŝi jam delonge devus esti tie. Antaŭ Ilona estis jam pasintjare Mirejo, kiu proponis tion la 22an de februaro 2012: http://edukado.net/komunumo/forumo?f=150
Sed kiu kapablos atingi, ke ŝi faru tion? Ĉu ni proponu al ŝi iun sistemon, kiel la Promeso-banko? Se estas minimume 10 personoj, kiuj volas tion, tiam Katalin enmetu sin en la Panteonon. Hm, eĉ ne malbona ideo. Kion vi pensas pri tio? Ni ne estas malproksime de tiuj 10, ĉu ne? Katalin, preparu vin kaj vian lokon en la Panteono, ĉar ĉi tie ni tre ŝatus jam vidi vin tie! Se vi ne meritas tion, kion la aliaj faras tie?

Neniu pli ol ŝi meritas eniri tiun diecan cirklon. Kvankam eble ni bezonas pli altan tavolon por rekoni ŝiajn unikajn kontribuojn. Plej bone, tamen, aldoni al laŭdoj, estus helpi ŝin pri la farendaj taskoj, kiujn ŝi konstante elpensas kaj akceptas, kaj konkrete subteni ŝin per farado de bezonataj laboroj.