Forumo

Okaze de la Eŭropa Tago de Lingvoj nia retejo organizas skajpajn seminariojn pri lingvoj.
La ideo estas, ke unu spertulo pri lingvo (prefere denaskulo) gvidu duonhoran skajpan kunsidon, kiun partoprenu 8-10 alilingvaj membroj de la paĝaro.
Ene de la seminario oni povas fari mallongan prezenton, instrui kanton, poemeton, bazajn esprimojn aŭ starigi demandojn, diskuti.
Necesaj teknikaĵoj: bona retkonekto, skajpa konto kaj antaŭa aliĝo ĉe redaktanto@edukado.net kun indiko de la skajpa nomo kaj de tio, kiun programon vi volas gvidi aŭ partopreni.
Vidu la tabelon ĉi tie: http://edukado.net/ludoj/europatagodelingvoj

Aliĝi aŭ komenti eblas ĉi-sube en komentoj.

Monika skribis:

Se mi sukcesos konektigxi, mi volonte partoprenus la francan de Sylvain kaj la signolingvon de Licxjo.
Krome: Katalin, cxu vi ne volus fari ion pri Esperanto lunde je la 9-a? Mi partoprenigus miajn pli junajn gelernentojn (6-11 jarajn).
Kaj se vi volus fari ankaux posttagmeze je la 14-a aux 15-a, tiam mi partoprenigus miajn pli agxajn gelernantojn (12-15 jarajn).

Dankon pro la invito. Principe mi povos helpi. Ni priparolu la detalojn en mesaĝoj.

kristof skribis:

La 26an mi estos okupata – ĝuste pro lingvo-ateliero enkadre de la Eŭropa Tago de la Lingvoj. Eventuale, mi povos prezenti la okcitanan lunde vespere je la 20h, sed mi ne tuj devontigos min. Mi konfirmos.

Dankon, Kristof. Ni tre esperas, ke vi sola aŭ kun Jomo (kiu ankoraŭ ne respondis) konigos al ni informojn pri la okcitana lingvo. Antaŭdankon.

Saluton,
mi konfirmas: kalkulu kun mi por la 28a je la 20h.
Ĝis baldaŭ!

MI ŝatus partopreni. Ĉu mi povas? Mi strebos maksimume por partopreni. Mia skajpa nomo estas jxajroad. Per iksa sistemo mem.