Forumo

TemojLingvaj demandoj kaj helpoPartiklo "ĉi" - preterlaso pronomon?

Alexey_Antipov
afiŝita je 2020-11-27 11:57:45

Mi havas demandon - ĉu la Esperanta gramatiko aŭ aktuala ofta praktiko permesas preterlasi la pronomon se la partiklo "ĉi" estas uzata, kaj la pronomo mem estas klara el la kunteksto de la frazo?

Ekzemple, la frazo: "Ĉi tio estas tablo, kaj tio estas seĝo."

Ĉu entute estas permeseble preterlasi la pronomon "tio" en la unua frazparto, ĉar ĝi enhavas la partiklon "ĉi", indikantan proksimecon, kaj tiel, el la kunteksto estas klare, ke la pronomo "ĉi tio/ tio ĉi" estas subkomprenata? Tielmaniere, ĉu estas eble diri nur dirante: "Ĉi estas tablo, kaj tio estas seĝo" ?

Eĉ se vi nur dirus: "Ĉi estas tablo", estos klare, pri kio temas la parolado, kaj ke la frazo "tio ĉi estas tablo" estas subkomprenata.

Tjeri
afiŝita je 2020-12-02 16:17:45

Saluton,

"Ĉi estas tablo", estos klare, pri kio temas la parolado, kaj ke la frazo "tio ĉi estas tablo" estas subkomprenata
Tute ne, mi komprenas: "ĉi tie estas tablo".
Do, por eviti tiajn miskomprenojn la uzo de memstara ĉi estas evitinda.

Estime,
TT

 Aldoni novan mesaĝon

Kopirajto © 2001 - 2021 edukado.net. Ĉiuj rajtoj rezervitaj.
Funkciigita de Fondaĵo Edukado.net kunlabore kun E-dukati, ESF kaj E@I.