Novaĵoj

La 9an de junio 2012 okazos la Tutmonda Skriba KER-ekzamensesio de UEA-ITK, kadre de kiu 380 esperantistoj en 29 urboj de 17 landoj trapasos samtempe la KER-ekzamenon pri Esperanto.

La mondvastan eventon Katalin Kováts, estro de la ekzamenkomisiono de UEA preparas jam de pluraj monatoj tra sia paĝaro www.edukado.net. Ŝian laboron helpis sesdeko da lokaj organizantoj.
Cele al la sukcesa prepariĝo al la ekzamenoj en dudek lokoj okazis apartaj preparkursoj kaj provsesioj.

La evento en la diversaj ekzamenlokoj altiris la atenton de ekstermovaduloj, en pluraj urboj vizitos ĝin ĵurnalistoj, televida teamo, jam aperis favoraj artikoloj kaj estos dissendataj televidintervjuoj.  
Ĉe la malfermo de la ekzameno deko da lokaj protektantoj, funkciuloj de la urbo: lingvisto, bibliotekestro, universitata katedrestro, urbestro kaj gvidantoj de diversaj lokaj asocioj malfermos, kelkloke eĉ gvidos la sesion.
Unu el la ekzamenlokoj estos kontrolvizitata de la direktoroj de la hungara ekzamencentro ITK.

La raportoj kaj fotoj de la ekzamenlokoj estos publikigitaj sur la tiucele lanĉita paĝo ĉe edukado.net: 

Niaj kuraĝigaj vortoj kaj pensoj iru al la sekvaj urboj kaj ties kandidatoj en mesaĝoj aŭ tra la forumo:

1 Tecámac (Meksiko) 42                                      16 La Chaux-de-Fonds (Svislando) 10
2 Moskvo (Rusio) 34                                             17 Avinjono (Francio) 9
3 Jekaterinburgo (Rusio) 22                                 18 Tijuana (Meksiko) 9
4 Fontaine-Grenoble (Francio) 21                        19 Helsinko (Finnlando) 9
5 Kuritibo (Brazilo) 19                                            20 Senta (Serbio) 8
6 Arras (Francio) 18                                              21 Kopenhago (Danio) 8
7 Liono(Francio) 17                                               22 Herzberg (Germanio) 7
8 Tuluzo (Francio) 15                                            23 Vicenza (Italio) 7
9 Limoĝo (Francio) 15                                           24 Kalio (Kolombio) 7
10 Tokio (Japanio) 14                                            25 Lesjofors (Svedio) 7
11 Bonaero (Argentino) 13                                     26 Oosaka (Japanio) 6
12 La Roche sur Yon (Francio) 13                         27 Riga (Latvio) 6
13 Clermont-Ferrand (Francio) 12                         28 Torino (Italio) 5
14 Busan (Sud-Koreio) 12                                      29 Parizo (Francio) 5
15 Kuala Kangsar (Malajzio) 10 
 

Dankas ĉiujn kunlaborantojn kaj deziras al ĉiu kandidato multe da suckeso,

Katalin Kováts, organizanto de la tutmonda ekzamensesio