Novaĵoj
Valentin Melnikov el Moskvo estas la julia gajninto en RISKO
Kategorio: Edukado; Dato: 2013-07-31 21:39:43
Denove pasis unu plena monato de la RISKO-ludo.
Ĝis nun 420 personoj aliĝis al la ludo, en julio venis 18 novaj riskemuloj kaj en junio ludis 149 ludantoj. Konsiderinde ke temas pri periodo, kiam multaj survojas por partopreni gravajn Esperanto-aranĝojn, la nombro de ludintoj ne estas malbona.
La gajninto de la junio RISKO-ludo estas vmel kiu fakte estas Valenti Melnikov el Rusio. Li kun pluraj aliaj diligente ludis ĉiun tagon. Ne estas ankoraŭ decidita la premi-donaco, ĉar la gajninto elektis donacon, kiu ne plu disponeblas en la ludo, sekve necesas ke li reelektu alian premion en la Donacopaĝo
Danke al Nora Caragea, Michel Dechy kaj la lernu.net teamo ni ricevis novajn donacojn, kiujn ni enlistigos en septembro por grandigi la elekteblon.
Mi deziras al ĉiuj ludontoj plian agrablan ludon kaj bonan lernadon.
Opiniojn vi povas lasi en la FORUMA spaco de la ludo, kaj finance subteni la paĝaron aŭ rekte la pliperfektigon de RISKO vi povas tra la Subtenpaĝo.
Denove gratulojn al Valentin kaj al ĉiuj diligentaj ludintoj de julio.
Bonvenigas vin por nova turno en RISKO
Katalin Kovats, redaktoro
| ← Sin komprenos por sin respekti la partoprenantoj de la Itala Kongreso | Al la listo | Lasta tago de la kongreso → |
