|
|
laine
afiŝita je 2011-11-30 20:37:05
Mi ne scias, kion Laszlo celas per la ekzemploj el la Fundamenta Krestomatio, sed, koncerne lian respondon al mi ("Ĉu vi estas absolute certa, ke vi trastudis Fundamentan Krestomation?" ) min plej mirigas tio, ke li eĉ ne scias, ke la Krestomatio ne estas la Fundamento. Tio ne estas grava scio por regi la lingvon parole kaj skribe, sed tio estas esenca scio por iu, kiu volas debati surbaze de niaj gravaj fondaj dokumentoj.
Se li tion ne scias, eble ne estas mirige, ke li ne komprenas en kiu forumo li diskutas. Ĉi tie oni diskutu kaj interŝanĝu "diversajn ilojn por pli efika instruado kaj lernado de Esperanto". Ĉi tie oni ne diskutu pri la gramatiko de Esperanto, des malpli instruu eraran aŭ tre malofte uzatan formon de Esperanto aŭ propagandu por ŝanĝoj en la lingvouzo. La temo estas, kiel instrui la lingvon, tian kia ĝi estas. La gramatiko kaj lingvouzo povas esti gravaj temoj, sed nur en kunteksto didaktika: kion kaj kiel oni instruas je diversaj stadio, kio estas malfacila kaj kio memevidenta por parolantoj de iu lingvo kaj kiel superi la malfacilaĵojn, kiajn ekzercojn oni preferas kaj rekomendas pro bona sperto, kian – eventuale mem faritan aŭ malmulte konatan – lernomaterialon oni volas dissemi, kion oni volas demandi al pli spertaj kolegoj, ktp. ktp.
|
