Forumo

Ni esperas, ke ĉi tie Petra regule aldonos informojn pri siaj kursoj (kie, kion, por kiom da homoj ŝi faris) kaj kelkaj el la partoprenintoj komentos ŝian laboron. Ni esperas legi ekzemplojn pri instruvojaĝo, ties enhavo, ĝojoj kaj malfacilaĵoj el pedagogia vidpunkto. Kvaknakm iom malfrua ideo, je unu semajno post la ekvojaĝo, sed ankoraŭ - espereble - rekonstruebla itinero. Ĉu?
La ĝeneralajn spertojn kaj raportojn oni povas legi en ŝia blogo: http://petrasurvoje.blogspot.com/

Prelego en Silvianopolo - Minas-Ĝerajso - Brazilo estis Sukcesa
Pli ol 80 homoj ĉeestis hieraŭ en la Ŝtata Lernejo Magalhães Carneiro en la urbo Silvianopolo por prestiĝi la prelegon de la profesorino Petra Smideliusz. Petra prelegis pri Hungario kaj pri Esperanto.
La prelego komenciĝis kun la muzikprezentado de la muzikgrupo Seresta de Sant´Ana ĉirkaŭe je la 7-a posttagmeze, dum unu horo Petras parolis pri sia patrolando kaj pri la facileco kaj utileco de la lingvo Esperanto.
Ĉeestis en la evento la urbestro de Silvianopolo, S-ro João Batista Beraldo, geinstruistoj kaj anoj de la loka societo.
Poste la prelego Petra respondis kelkajn demandojn de la publiko kaj sekve okazis baldaŭa fotara sesio fermante la eventon.
http://sudminasa.wordpress.com/2011/04/08/prelego/

Regionaj ĵurnaloj raportas pri la prelegoj de la profesorino Petra.

Ĉiutaga Ĵurnalo
http://jornaldiariopa.com/impressa/Abril%20-%202011/08042011/Edicao_08_04_2011.pdf
Ĵurnalo de la Ŝtato:
http://jornaldoestado.net/index_arquivos/jornal.pdf

Jen la raporteco de la Ŝtata Ĵurnalo

Mesaĝo, sendita de Paulo Nascentes:

Kompetente gviditaj de Petra, la 3an ĝis la 5a de julio, en sidejo de Cooplem, en Braziljo, okazis prelego pri la novtipa KER-ekzameno (vendrede vespere) kaj trejnsesio pri ĝiaj parolaj kaj skribaj-eroj, sabate kaj dimanĉe de la 9a ĝis la 18a horo. Partoprenis ĝin trideko da diversnivelaj esperantistoj. Cooplem estas kooperativo pri fremdlingva instruado, kun dekoj da lernejoj en Braziljo, do, la plej taŭga loko por la realigo de tiu evento.
Vendrede la prelegeto temis pri ĝeneralaj informoj pri la julie okazonta ekzamensesio en Braziljo, pri la enhav-postuloj kaj kelkaj praktikaj kaj utilaj konsiloj al la kandidatoj. La planataj aktivaĵoj por sabato kaj dimanĉo tiam anonciĝis.
Sabate pluraj taskoj estis proponitaj al la ĉeestantoj grupigitaj laŭ iliaj niveloj. Dum la tuta tago eblis al ĉiuj sperti la parolan parton, laŭ motivigaj aktivaĵoj, nome la antaŭkomisiona sinprezento, priskribo de bildoj, komunikaj situacioj kaj eĉ varmaj debatoj pri instigaj temoj kun antaŭlistigo de favoraj aŭ kontraŭaj argumentoj. Ĉiu diskuto entuziasmigadis kaj paroligadis eĉ la plej timemajn, kiuj tamen sentis sin kuraĝaj iri antaŭen sur la podion kaj defendi siajn poziciojn.
Dimanĉe, la trejnado estis pri la skriba parto kaj estis analizataj la plej oftaj eraroj kaj ĝiaj kaŭzoj. Aparte laŭdinda estis la fakto, ke Petra samtempe montriĝis rigora pri ĉies atento dum ekspliko de iu punkto kaj ankaŭ fleksema por 'flari' en la aero la veran bezonon de la grupo kaj proponi elekton de alternativoj. Kiam do fine de la trejnsesio, ŝi diris al mi, ke tiu estis la unua tiutipa seminario, kiun ŝi gvidadis, mi malsukcesis ne gapi! La profesinivelo evidentiĝis al pluraj ĉeestantoj, precipe al tiuj pli spertaj pri lingvoinstruado.
Gravan atingon mi ne rajtas lasi mencii, tio ke dimanĉe, de la deka ĝis la deka kaj duono, Petra estis intervjuata de profesoro Devanizio, estro de Cooplem, antaŭ cento da lingvoinstruistoj tie kunsidantaj dum asembleo. Profesoro Josias tradukis la respondojn, sed tio montriĝis preskaŭ nenecesa por kelkaj frazoj, certe facile kompreneblaj de kelkaj.
La eventon certe multe profitis ni ĉuj. Bonan ekzamenon ni povas antaŭvidi por julio kaj en Braziljo kaj en Sanpaŭlo dum TAKE.