Forumo

Saluton!

Venontan sabaton, mi prezentos duonhoran inicon pri Esperanto kadre de ekologia festivalo.
Mi ne faros tion por la unua fojo. Kutime, mi komencas salutante kaj prezentante min en esperanto. Mi petas de la ĉeestantoj, ke ili faru same. Mi ankaŭ instruas kelkajn frazetojn por kompletigi tion (mi estas… , mi laboras en…, mi loĝas en…) laŭ la disponebla tempo. En dua parto, mi ne vere instruas sed mi prezentas nacilingve (sed ankoraŭ uzante multajn ekzemplojn) kelkajn gramatikaĵojn por sentigi la simplecon kaj la potencon de la lingvo. Mi ofte uzas por tio panelojn tiucele faritajn de UFE.

Mi sciemas, ĉu iuj el vi havas sperton fari tiajn mallongajn prezentojn. Kiel vi faras? Ĉu vi trovis efikajn trukojn, havas konsilojn, ktp… ?

Dankon Katalin!