Novaĵoj
Pri RISKO en aprilo
Kategorio: Edukado; Dato: 2016-05-01 21:58:09
En la aprila RISKO-ludo gajnis brilanto - Robert Bogenschneider el Finnlando. Gratulojn al li.
Lian premion ni pludonas al goulo - Russ Williams el Pollando kaj atendas la informon pri lia elekto.
En aprilo ludis nur 94 personoj, sed estas ĝojige ke ni ekhavis 5 novajn ludantojn.
Pro la milludtaga limo ekde la unua de aprilo ripozos unu ludanto:
arankal - Aranka Laszlo el Serbio
Ni gratulas kaj dankas ŝin pro la ĝisnuna aktiva partopreno.
Ni memorigas vin, ke ekde la fino de marto vi povas vidi kun ĉiuj rezultoj kaj datumoj en aparta listo tiujn personojn, kiuj devige ripozas en la ludo. Tiu paĝo akireblas el la rezultopaĝo, pere de supre trovebla ligo al Ripozantoj.
Se vi kelkfoje forgesas ludi, ni konsilas al vi prizorgi la ricevon de la ĉiutaga avertomesaĝo, kiu memorigas vin pri la ludo. Ĝin vi povas aboni ĉe la Agordoj-paĝo.
Pluan bonan ludadon kaj bonŝancon deziras al ĉiu riskumanto,
Katalin kaj Mogens
Ludu tuj ĉi tie: http://www.edukado.net/ludoj/risko
| ← Nova Esperanto-kurso por Android-telefonoj | Al la listo | Startis nia projekto → |
