Titolo: | Esperanto Elektronike |
Subtitolo: | La plej ampleksa kaj la plej bunta kompleta materialo pri la internacia lingvo Esperanto |
Aŭtoro(j): |
E@I |
Eldonejo: | espero, 2006. |
ISBN: | 80-969533-0-3 |
Akireblo: | aĉetebla |
Tipo(j): | dvdromo |
Nivelo: | A1, A2, B1, B2, C1, C2 |
Celgrupo: | internacia |
Aĉeteblo: | UEA: 9.00 (sen AVI) EUR (sen varimposto) FEL: 9.00 (inklude AVI) EUR (inkl. la varimposton) |
Lingvo(j): | angla, ĉeĥa, ĉina, dana, Esperanto, finna, franca, germana, hispana, hungara, irlanda, itala, kataluna, litova, nederlanda, pola, rusa, serba, slovaka |
Nia opinio: | Dum UK en Florenco debutis la plej granda informmaterialo de kaj pri la internacia lingvo, en formato de 8 gigabajta DVD-ROMo (ne estas tiu branĉo en la supra kategoria menuo :-)). En tiu ĉi DVD troveblas bunta kolekto, kiu celas helpi "malkovri" Esperanton aŭ disponi je fonto de utilaj materialoj por plua perfektiĝo, informiĝo kaj informado. La enhavo estas dividita laŭ la 3-punkta agadplano de Universala Esperanto-Asocio: Informado, Instruado, Utiligado. En ĉiu ĉapitro troveblas kelkaj partoj; iuj el ili estas dividitaj per submenuoj. (Vidu la sekvan paĝon kun la detala enhavtabelo.) Neniu ero estas origine nur por tiu ĉi DVD farita. La merito de la kompilintoj estas la kunmetado, kolektado, selektado kaj akiro de uz- kaj kopirajtoj de la publikigitaj verkoj, programoj kaj paĝoj. Eĉ se oni havas komputilon kaj retaliron malfacilus loki tiom da utilaj aferoj en bone organizitan sistemon kaj havi ilin disponeblaj kaj alireblaj ĉiam facile. La kursoj, tekstoj, vortaroj, fakaj artikoloj, dekoj da literaturaj verkoj kaj muzikpecoj, filmoj, fotoj kaj arkivaĵoj kune kun la libere uzeblaj komputilaj programoj ne nur la esperantistaron riĉigos, sed mirigos ankaŭ la eksterulojn kiuj ĝis nun dubis pri la valoroj kaj utiligeblo de nia lingvo. Mi skribis mirigos, kondiĉe ke vi, ni disvastigos la materialon, helpos en tio ke universitatoj, lernejoj kaj publikaj bibliotekoj ekhavu ĝin kaj uzu ĝin. La akiro ne povas havi financajn malhelpojn. la DVD, produktita ĝis nun en 10 mil ekzempleroj kaj tradukita al dudeko da lingvoj akireblas kontraŭ malmulte da mono (kontraŭ 2-6-9 eŭroj depende de la kondiĉoj kaj kvanto).Laŭdindas la aktiveco de ekzemple francaj samideanoj, kiuj antaŭmendis 3 mil ekzemplerojn por propagandaj celoj.
Pli pri la DVD-projekto vi povas ekscii ĉe: www.esperantodvd.net/.
Rimarko: La enhavon de la DVD oni rajtas kopii, disdoni kaj uzi por nekomercaj celoj kondiĉe, ke ĝi estos kopiata senŝanĝe kaj inkluzive de la kopirajto-teksto. Alia uzo de la enhavo eblas nur kun konsento de E@I kaj tiu de la posedantoj de kopirajtoj de la unuopaj eroj; pri tio kontaktu nin ĉe la adreso dvd@ikso.net. |
Kreodato: | 2006-08-16 22:03:44 |
Lasta redakto: | 2008-03-21 14:16:24 |
Montroj: | 20404 |
Dosieroj: |
Mankas dosieroj.
|
Strukturo
Enhavo: |
· Pri Esperanto: Informoj pri E-o en multaj lingvoj (precipe „Praga manifesto“, „Ĝisdate pri Esperanto“ kaj nacilingvaj artikoloj (el Vikipedio) – informantaj pri E-o)· Filmo: Inform-filmeto pri E-o, mallonge prezentanta ĝian ekeston, historion, nuntempon, eblecojn, utilecon kaj uzeblecon. (subtekstigota en multaj lingvoj); aldone: intervjuoj kun E-istoj· Muziko: kolekto (elekto) de kelkaj (15-20) allogaj, nuntempaj E-kantoj (aldone koncert-eroj).· Fotoj: kolekto (elekto) de kelkdeko da fotoj de la lastaj okazaĵoj (UK, IJK, IS 2005)· Libroj: kolekto (elekto) de la elektronikaj libroj (kaj tradukoj kaj originalaj verkoj)· Kursoj: nova, riĉa lernu!, aldone ankaŭ Kurso de Esperanto. · Ludoj: komputilaj ludoj (Battle for Wesnoth, Maniac Manson Delŭe, Enigmo, Enigmulo,...)· Edukado.net: kolekto de la materialoj de la paĝaro www.edukado.net - el la „Edu KoDo“.· „Pasporto al la tuta mondo“: leciono de la leciono de la fama film-kurso de E-o.· Gramatiko: PDF kaj HTML versioj de PMEG, kaj de Detala lernu! gramatiko · Fakaj verkoj: pri E-o (plurlingvaj), fakaj verkoj en E-o (pluraj scienc-fakoj) · Revuoj: jarkolektoj de E-o gazetoj (Esperanto, Kontakto)· Programoj: komputilaj programoj en Esperanto (BS player, EK!, Unired, IZArc, ...)· Pasporta Servo: bazaj informoj pri la servo multlingve · Ligiloj: al la plej famaj/gravaj paĝoj pri E-o kaj interlingvistiko (UEA, TEJO, ESF, Lernu,...)· Vikipedio: Ĉiuj artikoloj de Vikipedio en Esperanto (pli ol 40.000 nuntempe)· Vortaroj: liberaj retaj vortaroj (la-vortaro.net, traperko.net, ...)· Informiloj: afiŝoj, flugfolioj, faldfolioj,... multlingvaj pri E-o |
Metodo
|
|