Titolo: | Baza Cseh-kurso |
Subtitolo: | Gvidilo kaj modelo por instruantoj |
Aŭtoro(j): |
CSEH, Andreo CHILDS-MEE, Audrey |
Eldonejo: | IEI-Den Haag, 1992. (8a eld.) |
Akireblo: | aĉetebla |
Nivelo: | A1, A2 |
Celgrupo: | internacia |
Aĝgrupo: | nedifinita |
Aĉeteblo: | UEA: 10,80 (+6,90 por la helpmaterialo) EUR (sen varimposto) |
Lingvo(j): | Esperanto |
Nia opinio: | La libro estas NE lernolibro, uzenda por la lernantoj, sed estas gvidlibro por tiuj, kiuj gvidas kurson laŭ la klasika CSEH-metodo, aŭ volas sekvi (eble nur studi, analizi) la paŝojn, materialon verkitajn de la granda pedagogo mem, en la tridekaj jaroj, kaj tralaboritajn de A. Childs-Mee, fama Cseh-instruisto. La materialo nepre havendas por tiuj, kiuj sekvas Cseh-metodan seminarion por fariĝi Cseh-instruisto. En la libro troveblas tekstoj pri la metodo mem, utilaj konsiloj por instruistoj de E-o (eĉ se ne Cseh-metodaj). Informoj pri Andreo Cseh kaj pri la de li fondita instituto: IEI |
Kreodato: | 2005-07-08 19:16:35 |
Lasta redakto: | 2010-08-30 20:02:04 |
Montroj: | 65240 |
Dosieroj: |
Mankas dosieroj.
|
Strukturo
Enkonduko: |
estas |
Enhavo: |
Informoj pri la deviga kaj konsilinda literaturo, mallongigoj
Enkonduko
Biografia noto pri la aŭtoro, kaj historia skizo pri IEI
Informoj pri la kurso
Kelkaj konsiloj al la instruanto
Listo de gramatikaj elementoj
Alfabeta vortlisto
Konversacia Literaturo
Konsiloj pri ŝanĝebloj en la prezentado de gramatika materialo
KURS-TEKSTO kun metodikaj konsiloj
Modeloj de 4 demandfolioj
Postparolo |
Unuoj: |
264 punktoj |
Longeco de unu unuo: |
1/2-3p. |
Vortolisto: |
estas |
Direkto de la vortolisto: |
unudirekta |
Gramatikaj resumoj: |
estas |
Solvoj por la ekzerco: |
estas |
Indekso: |
estas, miksita |
Konstruo de unu leciono
Enhavo de la tekstoj
Tipo de teksto: |
ĉenrakonto kun samaj rolantoj |
Metodo
Ekstera formato
Mezuro: |
15x21cm |
Paĝnombro: |
174 |
Koloreco: |
nigra-blanka |
Ilustraĵoj: |
nenio |
Legebleco: |
mezbona |
Kunligmaniero: |
bindita |
Ĝenerala aspekto: |
bona |
|
Opinioj kaj komentoj
Entute komentoj: 12; Mezuma noto: 3.25;
| Aldoni propran opinion
12.
Eble ke la libro donas kelkajn bonajn ideojn al la instruistoj, sed mi ĝenerale dubas pri la efektiveco de la rekta metodo. Krome mi kredas ke la tekstoj estas iom malnovaj... Plie mi trovis la aspekton de la libro vere malbela kaj laciga. Eble ke Andreo Cseh mem eldonus nuntempan kaj vere reviziitan libron!
11.
Diversaj kaj ofte ekstremaj opinioj pri la tekstoj de metodika Cseh-gvidlibro devus nur motivigi kapablajn instrugvidantojn al modernigo de arkaikaj tekstoj kaj pli forta disvastigo de la plej universala Esperanto-instrumetodo. Mi ne dubas, ke iu kapabla kaj inteligenta E-instruisto adaptos la historian tekston kaj prezentos ĝin en moderna teksto-formo. Je tio atendas lacigita, sed neniam venkita generacio de "Pacbatalantoj".
10.
john je 2005-04-07 07:50:54
9.
Kompreneble, kiel memlernanto, char en mia urbeto ne estis esperanto-kurso antaue, mi plurfoje lernis tiun bonegan libron, kaj mi povas diri:"ghi estas bela trezoro el nia lernilaro".
8.
Laŭ orde mi uzas la libron por komencantoj per ne Cseh-metodo, sed rekta metodo. fojfoje troviĝas ridinde stranga demando, kaj tiu malmoderneco foje (male) allogas min kaj lernantojn. Estas forte atendata la moderna versio.
7.
Tre bona libro.
Ĝi donas la bazon kiel instrui (ĝi ne estas por la lernanto sed por la instruisto). Ĝi tamen bezonas ĝisdatigon rilate al la formo/enhavo de la teksto.
6.
La metodo estas genia, sed ne ĉiuj kapablas instrui laŭ ĝi, kaj oni devus serioze konsideri tion. La libro kiel libro ... tro malnovstila ankaŭ enhave, ankaŭ redakte. Domaĝe!
5.
Cseh metodo.
"La plej bona metodo estas instrui Esperanton per Esperanto".
Paroligo estas principo de la metodo.
Dum la lecionoj la libroj ne estas bezonaj. Por la hejmaj taskoj oni povas prepari pli da demandaroj kaj ekzercoj.
Cseh instruisto povas instrui en ĉiu loko de la mondo ne konante la naciajn lingvojn de kursanoj.
Tuja konversacio kun fremda lingvano pruvas sen dubo la utilecon de Esperanto.
De la jaro 1929-a la metodo estas daŭre tre bona pro ĝia specifa etoso, kiu ligas instruiston kun kursanoj.
Subtila humuro agrabligas la lecionojn.
***
Andreo Cseh
-----------------
" Ne imitu sklave, sed ŝanĝu, transformu la materialon laŭ personeco, temperamento de la instruisto, laŭ la klareco kaj intereso de la lernantoj kaj laŭ la lokaj cirkonstancoj.Havu inventemon por ŝanĝi ion laŭ momentaj bezonoj."
4.
En malnovegaj tempoj, kiam en Sovet-Unio tute mankis Esperanto-lernolibroj, mi (kaj miaj lernintoj) instruis per Cseh-metodo. Mia entuziasmo pri ĝi ne forpasis, kaj mi varme skribis pri ĝi en mia lernolibro "Vojaĝo en Esperanto-lando". Tamen la tekstaro vere iom malnoviĝis. Mi ne certas, ĉu iu, samtalenta al la aŭtoro, povus samvalore verki modernajn anstataŭaĵojn.
3.
La metodo estas vere unika, sed ĝia efektiveco multe dependas de instruisto. Oni ne devas trakti ĝin kiel dogmo. Krea aktiveco de la instruisto kompencos la malnoveco de la metodo.
2.
Estas malpli ol libro, sed speco de arkeologia postsigno de la pionira laboro de Andreo Cseh. Multaj aspektoj, kiel la redonataj opinioj pri la rolo de la virinoj au pri la "primitivaj" popoloj, estas vere ofendaj nuntempe.
Tamen, de instruika vidpunkto, chu kiel modelo, chu kiel malmodelo, estas sorĉa kaprompilo kaj ideofonto por chiuj instruistoj alfrontintaj au alfrontontaj fremdajn klasojn sen komuna lingvo.
Estus bone se nuntempaj Cseh-instruistoj eldonus libroforme sian veran praktikon en klaso.
1.
La Cseh-metodo estas tre bona, sed tiu ĉi libro entenas ĉefe la arkaikajn tekstojn de Cseh. Ni tre bezonus pli modernajn tekstojn por Cseh-metoda instruado.
|