Panteono

Mi, Anna Ritamäki-Sjöstrand, dankas pro viaj subtenaj vortoj. Mi bone rekonas mian karan patrinon en viaj belaj priskriboj.
Jen mia Facebook:a anonco pri la morto kun sugestoj pri honoresprimoj je ŝia memoro (interalie ĉi tie en ŝia Panteona paĝo, ja bela honoresprimo flanke de Edukado.net kaj vi ĉiuj): https://www.facebook.com/anna.ritamakisjostrand/posts/10153884068658748?notif_t=like

Kara Carola
Malgraŭ ke ni estas samlandanoj ni ne tre ofte renkontiĝis, tamen tiel ofte ke mi povas diri ke via foresto mankos multe dum eblaj venontaj renkontiĝoj. Dum la lastaj tagoj kiam mi pensis pri vi, precipe multaj privataj diskutoj inter ni venis al mia memoro. Ne ĉiam ni samopiniis, tiel ja devas esti, sed mi ĉiam miris pri via entuziasmo ankaŭ pri aferoj kiujn mi pensis ke estis nefareblaj, sed vi agis ofte kun bona rezulto. Pri ĉio ni ne havis tempon pridiskuti dum via tera vivo, antaŭ ol vi, amiko, forpasis en la spiritan mondon tamen pensoj kaj memoroj vivas trans la limo de morto.
Mi ne scias ĉu vi iam konatiĝis kun Martinus, sed al mi la Kosmologio de tiu dana verkisto multe donis. Liaj logikaj analizoj pri la vivo kaj morto, pri la tuta universo, estas vera trezoro kiu laŭ mi estas bedaŭrinde malmulte komprenata en Esperantujo. Laŭ mi, ili estas tio kion la mondo nun bezonas kiam tradiciaj religiaj kredoformoj ne plu taŭgas. Sed ĉio havas sian tempon. Laŭ Martinus: "Ĉio estas tre bona", ankaŭ se ne ĉio estas agrable bona.
Amike vin salutas
Börje

Kara Carola, Mi memoras pri niaj renkontiĝoj kelkloke en Esperantio ekz kiam vi kaj via grupo de finnaj esperantistoj vizitis la svedan Esperantogården, kaj gajigis la kunestadon per ludoj kaj muziko. Vi restos en mia memoro. Kerstin Rohdin

Ni konatîĝis okaze de la ILEI Konferenco en Orestrand en Svedio, Carola ĉiam estis afabla kaj helpema. Mi kondolencas al ŝiaj familianoj kaj al la Suoma Esperantistaro..
Monika 05.

Saliko kondolencas al la familianoj de Carola. Certe ŝi multon faris por disvastigi Esperanton. Ŝi ankaŭ gastigis vizitantojn en la malnova lernejo, kie ŝi loĝis kaj kiu antaŭ kelkaj jaroj forbrulis. Nun mankas unu grava, ne anstaŭebla membro en la Esperanto-Ligo de Finnlandaj Instruistoj.

Korajn kondolencojn de la frenezaj geavoj el Francio...

Korajn kondolencojn el Tajvano.

Mi havas nur bonajn memoron pri ŝi, kiu estis mia persona korespondintino dum pluraj jaroj. Ĉiam kun amikema rideto sur sia vizaĝo, ŝi estis nia fidela amikino en la Nordo. Mi tre bedaŭras, ke ŝi jam ne plu estas inter ni. Sed ŝia ekzemplo pluvivos, mi certas. Bonvolu ripozi en paco, cara Carola!
Luigia Oberrauch Madella, Parma, Italio

Mi tre, tre bedaŭras pro ŝia forpaso. Lastfoje mi babilis kun ŝi en Lillo kaj iom pli frue en Lesjefors. Sed ŝi restos en mia memoro kiel nekredeble energia organizanto pro kies kapablo kaj preteco solvi eĉ preskaŭ nesolveblajn problemojn mi povis dum 4 jaroj sinsekve konduki grupetojn da gejunuloj al Amikaj renkontoj en Strasbourgo kaj partopreni kun ili en Euroscola. La problemo estas ke mi gvidis E-kursojn por gimnaziaĝaj gejunuloj - sed ne gimnazianoj - en Maribor (Slovenio). Temis pri gejunuloj kiuj perdis la rajton frekventi mezajn lernejojn kaj pro manko de atestiloj ne povis ricevi laboron. Do, ili ne havis eblecon iri al Strasbourgo, sed Carola faris neeblon. Ŝi anoncis miajn tri-kvar gejunulojn kiel membrojn de ŝia finna grupo. Ni bonege kunlaboris dum tiu periodo kaj atingis gravajn sukcesojn dum Eŭroscoloj, organizis apartajn programojn por la esperantaj gejunuloj, instruis al ili, organizis turismon kune kun francaj geamikoj.
Sen Carola la afero simple ne estus ebla, sen Carola mi estus multe pli malriĉa je miaj spertoj kaj komprenoj.
Dankon.
Zlatko Tišljar

Mi bone konis ŝin dum vizito al Finlando antaŭ deko da jaroj. Kondolencoj al la familianoj kaj al la suomaj esperantistoj. Amike, Renato

Al la familianoj sinceran kondolencon, Al Carola, ripozu en paco.