Panteono

Iam mi verkis recenzon pri la bonega libro de Paul Gubbins "Kunvojaĝu", per kio komenciĝis nia konatiĝo. Poste ni multe kontaktis, precipe pro la kuna laboro en la gazeto MONATO, kies ĉefredaktoro li estis. Estas domaĝe, ke mi devas uzi is-tempon!

Mi ankoraŭ ne povas kredi ke Paŭlo estas for. Mi esperis ke iam en la estonteco li instruus kurson pri verkado. Sed nun? Temas pri neesprimebla perdo.

Nome de ILEI, tio estas nome de multaj geinstruistoj, mi deziras substreki la efikan kaj valoran agadon de Paul Gubbins en la fako instruado. Ni perdas majstron.

Kara memoro el Cxinujo pri lia traduko de la fama kanto 'Amazing Grace' por Internacia Esperanta Hxoro, verkita dum elstara ekskurso meritas lokon en arkivejo.
Elkorajn kondolencojn speciale al lia esperantista filino.

Kiam forpasas tia homo, fermiĝas lia interna mondo, abunda sciaro, perdiĝas sentoj kaj ŝercoj, kapabloj. Ofte nur tiam la vivantoj
ekkomprenas , kion la forpasinto kunportis kaj ke la pordo fermiĝis nemalfermeble. Bonŝance restas memoroj kaj verkaĵoj, fotoj. Ni foliumu, legu, rigardu. Ni vidos almenaŭ liajn spurojn! Multegajn valorajn spurojn lasis P.G. Dankon!

Denove ni perdis bonegan esperantiston, bonegan homon. Tia malbona nova[o meze de la somero povas deprimi. Ripozu en paco.

Lia libro "Kunvojaĝo" donas al nia babilogrupo tre interesajn konversaciajn eblecojn. Ni restos dankemaj.
Miajn sincerajn kondolencojn al liaj familianoj.

Granda bedaŭro! Forpasis granda homo. Mi uzis lian lernolibron "Kunvojaĝu" plurfoje en kursoj por komencantoj, kaj ĉiam legis liajn ĉefredaktorajn vortojn en Monato. Li mankos al Esperantujo.

Dum tri semajnoj en 2005, mia unua NASK-a partopreno, instruis min Paŭlo. Li jam malkovris la unuan e--an teatraĵon! Ĉiun tagon li proponis, "Ni iru en la freŝan a'eron!" Reenirinte la klasĉambron, diris klare kaj koncize Paŭlo al ni klasanoj, "Skribu monologon!" La mia estas "dediĉita al mia profunda instruisto, Paŭlo Gubbins." / Revenis al NASK 2007 tiu mia inspira (la sekvan vorton estis pre- feratan de Paŭlo) instruisto. Ja mi revenis. Studis ni William Auld. Ĉiun tagon proponis, jes, klare, koncize Paŭlo, "Skribu recenzon!" Skribis nia Paŭlo, post kelkaj pensindaj komentoj, sur la supro de mia paĝo, 'Bona provo'. / Mi larmas. --- Keneĉjo Goldbergo

Tro frue, neatendite, ŝoke li forlasis nin! Kiu nun zorgos pri Esperanto-teatro? Kondolence al la familio
Wera kaj Detlev Blanke

Kondolencojn el Vieno, Aŭstrio.

Sincerajn kondolencojn al la familianoj.
Paul, ripozu en paco.

Kondolencojn el Pollando

Kunfunebras
Giri RAO
Bengaluro, Barato

Saluton,
Mi sincere bedauxras pro la neatendita kaj acxa novajxo. Paul oftege
helpis min per konsiloj pri la verkado kaj la redaktado de artikoloj:
mi estis iam "komencanto", sed danke al liaj rimarkoj - cxiam trafaj
kaj rektaj, sen tro da afablajxoj - mi sukcesis plibonigi multajn
aspektojn de mia "jxurnalisma" agado por "Monato" (kaj gxenerale ene de
Esperantujo). Li estis sincera homo; kaj tio estas malofta, altvalora
afero nuntempe!
Fine de julio li sendis al mi personan retmesagxon.
Sxajnas, ke li volis pasigi cxi tiun someran periodon trankvile kaj
diskrete, laux lia modera karaktero, tiom simila al la mia.
Mi lernis multon de Paul, pro kio mi estos cxiam dankema al li. Mi
volus renkontigxi persone kun li, sed tio neniam eblis. Li iam
konfesis al mi, ke li ne estas devota/pia persono: tamen mi memoros
pri li en miaj kristanaj pregxoj kaj esperas iutage povi babili
Esperante kun li en loko pli bela kaj ama ol cxi tiu ronda verdoblua
pilko. Roberto Pigro

Tristega novaĵo! Mi plurfoje partoprenis renkontiĝojn kiujn li (kun)organizis i.a. la lastan britan kongreson en Liverpool. Mi aprezis lian humuron, diversterenajn kapablojn kaj ankaŭ lian 'mal-orgojlon'. Ne forgesinda estas liaj longtempa kontribuo al Monato. Esperantujo perdas multe! (Piet Glorieux)

Elkorajn kondolencojn el Tajvano.

Kia ŝoka novaĵo! Ni konis lin delonge, li iam vizitis nin en Luksemburgio en 1989, eble ni renkontis lin antaŭe en iu kongreso.
Ni korespondis pri Monato, pri aperindaj aŭ ne aperindaj artikoloj. Ni interŝanĝis pri tio ankoraŭ antaŭ kelkaj semajnoj. Mi tre ŝatis kunlabori kun li. Ve, li tre mankos al ni!
Miajn sincerajn kondolencojn al liaj familianoj. Triste.

Mi admiras liajn verkojn. "Kunvojaĝu" estas unu el miaj plej estimataj lernolibroj. Mi bedaŭregas, ke neniam mi havos ŝancon persone renkonti lin…

Ni perdis veran amikon elstraran kaj instruiston kiu kapablis transdoni la amon al nia lingvo Esperanto. Dankon pro ĉio kion vi faris por ni, kara Paul. Ripozu en paco!
Kondolence
Luigia Oberrauch Madella kune kun la edzo Vittorio kaj la filino Alessandra

Kara S-ro Paul Gubbins, dankegon pro cxio, kion vi faris por la disvastigo kaj la beleco de nia kara lingvo Esperanto. Vi bedaurinde tro frue forlasis nin. Ni du estas samagxa, naskigxinte en la jao 1949j! Ci tiu maljxoja evento ja estas granda perdo por Esperantujo. Sincerajn kondolencojn al la familianoj.

Mi havis la okazon kunlabori kun Paul nur dum la ĉi-jara "Buchanan Masterclass" en marto ĉe la Universitato de Liverpolo, kie li lastmomente pro urĝa bezono afable akceptis transpreni la lokan organizadon de la aranĝo. Lia plenkompetenta kolega subteno faciligis kaj ĝojigis mian taskon kaj tiun de ĉiuj kunlaborintoj. La partoprenantoj sentis sin prizorgataj kaj tute kontentaj, kaj liaj rilatoj kun la lokaj universitatanoj estis ekzemplaj. Liaj admirindaj kontribuoj, kiuj inkluzivis savi kaj sukcesigi la videoprojekton Pasporto al la tuta mondo, restos kun ni porĉiame kaj estu por ni inspiro kiu kompensu nian malĝojon pro la neatendita novaĵo. Li lasis sian universitatan karieron en bona ordo per definitiva emeritiĝo ĉi-jara, kvankam li estis petita tamen resti disponebla por eventuala anstataŭa instruado pro tio ke ankaŭ tie mankus lia kolega kaj instrua talento. Certe mia sperto reprezentas la privilegion de la miloj da personoj kiuj havis ian kontakton kun li persone aŭ kun liaj verkoj.

Paul Gubbins estis elstara talento -- rilate la teatron, la instruadon, la redaktadon, mi eĉ ne povas fari plenan liston. Li estis varmkora homo, kun kiu mi havis ege pozitivan rilaton kaj ofte kunagis. Mi sciis, ke mi povas kalkuli pri li. Kaj subite -- jen tiu ŝoka novaĵo! Mi apenaŭ kapablas reagi. Mi diru nur, ke se iu meritas lokon en listo nomata 'panteono', Paul certe meritegas ghin.

Sincerajn kondolencojn al la familianoj kaj tio estas vere granda perdo por la tuta nia movado. Paul restas en memoro kiel sprita kaj gaja ulo kiu samtempe estis tre kompetenta kaj laborema, multflanka esperantisto.

Miaj sinceraj kondolencoj iru al la familianoj. Li estis valora homo, eĉ se mi konis lin nur tra liaj verkoj. Triste kaj kondolence: Monika

Mi konfirmas la tristan novaĵon, ke Paul forpasis dumdorme hieraŭ nokte. Li estis 66-jaraĝa. Mi parolas kun la filino, Jill, kaj plusendis al ŝi la kondolencojn de la multegaj amikoj, kiujn Paul rikoltis.

http://esperanto.org.uk/eab/eab_news/2016-08-06-paul-gubbins-passes-away.html

La malbela novaĵo ŝokis min kiel fulmotondron. Mi ege aprezis lian lernolibron Kunvojaĝu kiun mi daŭre uzas ĉe miaj kursoj de Esperanto. Lia angla/Esperanta volumo estas ankaŭ tre utila por miaj gestudentoj, ĉefe en Amsterdamo. Mi konis lin en Liverpolo okaze de la unua eldono de la Mastroklasoj kaj mi sendis gestudentojn el Torino tien, kiuj sekvis lian kurson pri literaturo. Vi certe kunvojaĝos nun kun viaj gekaruloj, Paul. Federico Gobbo

Kiel ŝoka kaj doloriga novaĵo. Li estis la plej afabla kaj aminda homo, kaj ankaŭ bonega instruisto. Mi ĉeestis liajn lecionojn pri literaturo antaŭ kelkaj monatoj en Liverpolo - ili estis tre bone preparitaj, kaj vere interesaj kaj partoprenindaj. Mi scias, ke li havis planojn eldoni siajn lecionojn - neniam li aŭ iu ajn alia estus povinta imagi, ke lia vivo finiĝos tiel subite kaj neatendite.

Viajn afablajn kaj malfalsajn vortojn, kuraĝigojn kaj konsilojn neniam mi forgesos. Estu al vi leĝera la grundo, Paul!

Viaj gesamidseanoj por ĉiam portos vin en niaj koroj kaj memoro!