| Plena nomo: |
Judit FELSZEGHY |
| Edukado-ensalutnomo: |
Judit |
| Vivtempo: |
1949 - |
| Devenlando: |
Hungarujo |
| Agadlando(j): |
Hungarujo, Italujo, Svislando |
| Prezento: |
FELSZEGHY Judit
Post supergrada ŝtata lingvoekzameno pri Esperanto, mi diplomiĝis en 1990 kiel Esperanto-instruisto, okazigita de Hungara Esperanto-Asocio. Poste mi partoprenis kursojn pri instruado (Projekto Klera, Kultura Centro Esperanto) gvidata de D-ro Katalin Kováts kaj D-ro Giorgio Silfer.
Mi instruas Esperanton, ĉefe grupojn de plenkreskuloj, ekde 1994, ĝis 2000, kadre de Kultura Centro Esperantista, Kooperativo de Literatura Foiro, en Svislando; 2007 ĉe Lingvo-Studio kaj Eszperntó Alapítvány, en universitato SzTE –JGyPK, (en urbo Szeged), Hajtómű Nyelviskola Bt. (lingvolernejo), KATEDRA Nyelviskola (lingvolernejo).
Krome, ekde 2009 mi neregule instruas ankaŭ rete, krom skajpa instruado mi aktivas en virtualaj programoj.
Inter 2005 – 2008 mi kontribuis per ekzercoj al la instrumaterialoj de Edukado.net.
Ekde 2005 mi regule kontribuas al la revueto Juna Amiko per konversaciaj temoj, kun celo helpi al esperanto-instruistoj, kursgvidantoj, sed same al lernantoj.
Mi kontribuas al la redaktado rilate „Filmetojn” ĉe uea.facila.
En 2010 kaj en 2014, en privata eldonaĵo aperis libro, kun titolo „Temagemo”
Ekster instruado mi kunlaboris ĉe Hungara Esperanto-Asocio, ekde 1991 ĉe LF-koop ĝis 2000 (Italujo kaj Svislando), inter 1993 – 2000 kiel sekretario de Esperanta PEN-Centro, poste kiel membro.
Mi diplomiĝis pri turismo, tiel mi klopodis utiligi miajn fakajn konojn ankaŭ en Esperantio, ĉe HEA kaj ĉe LF-koop, dum mia kunlaboro.
Aperis kelkaj literaturaj verketoj de mi, krom 2 antologioj, en Monato, Literatura Foiro kaj Femina.
Fonto: Judit Felszeghy por la Panteono en decembro 2018, aktualigita en 2024.
|
|
|
