Forumo

En esperanto, la regulo estas, ke oni uzu refleksivon kiam temas pri la subjekto de la propozicio.
Konsideru la frazon:
"Lia moŝto promenas"

Kio estas la subjekto?
Kies moŝto estas?

Do, logike, oni devus diri:
(?) "Sia moŝto promenas"

Saluton, Katalin!

Kio estas la referenco de tiu regulo? Ĉu ĝi estas fundamenta aŭ ĉu la Akademio decidis tion?

Antaŭdankon,

YA

Tiu afero estas pli simpla, ol vi povas imagi.

La frazo: "Lia moŝto promenas." estas idiomaĵo, do ne indas serĉi por ĝi gramatikan regulon. Cetere, eĉ por multa(j) aliaj gravaj aferoj vi ne trovos regulojn en E-o gramatiko...

Tiu frazo estas gramatike erara, simile, kiel ĉiu idiomaĵo rilate al racia mesaĝo.
Ĝia reala mesaĝo estas: ”Li, kiel moŝto, promenas.”

Idiomaĵojn, idiotismojn kreas la lingve nedisciplinaj lingvouzantoj, kaj tiuj, kiuj ne alproprigis sufiĉe bone la planlingvon.
Idiomaĵon, idiotismojn ja eblas eviti (kiel mi klarigis tiun lastan idiomaĵon).

Sed iuj fanatikuloj hontas agnoski tion, ke tiu Esperanto, pri kiu ili deklaras fiere, ke estas ”senescepta”, fakte svarmas per idiotismoj.
Ĝuste pro tiu trompa reklamo, neniu lingva respondeculo kuraĝas eldoni liston pri tiaj idiomaĵoj/idiotismoj.

”Ĉu vi faris tian liston? ”
- - - - - - - - -

Mi ne faris liston pri idiomaĵoj (idiotismoj), ĉar mi konsideras, ke en skemeca, escepto-sena planlingvo, idiomaĵoj/idiotismoj estas eraroj.

Ĉiujn idiomaĵojn (idiotismojn), kiujn Zamenhof kaj posteǔloj ekuzis, mi konsideras esti eraroj.
La misio de Esperanto estas havigi escepto-senan, skemecan (facile lerneblan) planlingvon por diversetnaj lingvouzantoj.

Poetoj uzu etnolingvojn, se ili deziras delektiĝi, sed ne transformu skemecan planlingvon al esceptoplena, idiomaĵplena, kaprica, etnolingveca lingvo. Da tiaj lingvoj ekzistas miloj.
La plimulto de komunik-dezirantoj bezonas senesceptan, skemecan planlingvon por povi lernakiri ĝin rapide, kaj uzi ĝin facile kun diversetnaj homoj.

Profesia ”ilo” ne povas esti taǔga por multaj funkcioj. Tial ekzistas pluraj diversaj profesiaj iloj, kiuj servas je apartaj, diversaj uz-kampoj.