Novaĵoj

Mi informas vin pri la rezultoj de la Jubilea konkurso.
Bedaŭrinde alvenis ne tro da konkursaĵoj , sed tio neniel malaltigas la meritojn de tiuj tri personoj, kiuj plej brile, preskaŭ senerare, respondis la demandojn, trovis la stelojn kaj faris kelkajn kontribuaĵojn en retejo.

• En la unua loko staras Mónika Molnár el Svislando, kiu gajnis librokuponon ĉe UEA.
• La dua gajninto estas Heinz-Wilhelm Sprick el Germanio, kiu havas eblon senpage partopreni la 20-lecionan retan kurson Kultura vojaĝo al Vjetnamio
• La tria donaco, libro iros al Marlene Schüller-Leroy el Novkaledonio.

La demandojn vi daŭre povos vidi en la retejo, eĉ solvi ilin, sed ekde nun via donaco estos nura sperto, kio en si mem estas jam valora.
Ankaŭ malgranda peco de la torto atendas manĝontojn.
Dankon al ĉiuj pro la gratulmesaĝoj kaj subteno.

Mi deziras al ĉiuj membroj de la paĝaro belajn festotagojn kaj eventoplenan, sukcesan novan jaron.

Katalin Kováts, redaktoro