Novaĵoj

Ni memorigas vin, ke proksimiĝas la limdato por anonci intereson pri okazigo de tutmonda aŭ loka ekzamensesio. Ni alvokas ĉiujn, kiuj ŝatus en sia urbo, regiono aŭ klubo okazigi sesion, rigardi la subajn datojn kaj decidi al kiu tago ili ŝatus havi rajton kunorganizi ekzamenojn.

La limdato estas la 28a de februaro.

La kondiĉojn por okazigi sesion kaj anonci sian intencon por tio vi trovas sur la paĝo, kreita por la ekzamenorganizantoj.

Post la ricevo de plenigita pet-formularo ni kontrolas la kondiĉojn kaj en kazo de pozitiva decido, ni lanĉas la sesion kaj eblos komenci la aligojn de la kandidatoj.

Ni stimulas ekstereŭropajn landojn okazigi sesion en aprilo, por ke la atestiloj pretiĝu antaŭ UK kaj povu esti transdonataj dum la 100-a kongreso en Lille. 

 Aliĝilojn por la jam aprobitaj sesioj vi trovas ĉi tie: http://edukado.net/ekzamenoj/ker/sesioj . Bonvolu ne lasi la petojn kaj aliĝojn al la lasta minuto.

Ĉiujn informojn pri la KER-ekzamenoj vi povas trovi ĉe la ekzamenpaĝo kaj en ties subpaĝoj. 

Precipe dum UK, pro la antaŭvidebla granda intereso, povos esti ke ni ne povos ĉiun ekzameni en la parola parto. Ju pli frue oni aliĝas, des  pli certas, ke oni ricevos ekzameneblon. 

Se vi havas demandon aŭ bezonas helpon por decidi, bv. kontakti Katalin Kovats, organizanton.