Novaĵoj

kaj

Instruistoj de la Jaro

ILEI kun subteno de TEJO invitas ĉiujn esperantistojn proponi kandidatojn por la premio Instruisto de la jaro.

Estas du kategorioj:

1. "Juna Instruisto de la Jaro" (por personoj malpli ol 36 jarojn aĝa, t.e. ene de la TEJO-aĝkategorio);
2. "Instruisto de la Jaro" (por personoj pli ol 35 jarojn aĝaj) 

Kandidatoj plejeble havu:

• Regulecon en Esperanto-instruado
• Aktivajn instrumetodojn
• Novigajn alirojn al instruado
• Historian kaj kulturan konigadon de Esperanto
• Internacian kunlaboradon
• Kreemon de instrumaterialoj
• Longdaŭrajn pozitivajn rezultojn

Al la gajnintoj estos donacitaj:

• Atestilo
• Senpaga aliĝo al TEJO-kongreso (IJK) kaj ILEI-Kongreso de la koncerna jaro
• Senpaga membriĝo en TEJO kaj ILEI kun retaj versioj de revuoj Kontakto kaj IPR en la koncerna jaro
• Unu libro flanke de TEJO por la “Juna instruisto de la jaro”.
• Unu libro flanke de ILEI por la “Instruisto de la jaro”

Por kandidatiĝo aŭ kandidatigo bv. sendi jenajn informojn pri la kandidato
al ilei.prezidanto(ĉe)gmail.com:

• Personan prezenton
• Konkretajn atingojn
• Kontaktinformojn
• Rekomendojn (se eble)

Gravaj datoj 

Limdato por kandidatiĝo/kandidatigo: fino de marto 2025

Sciigo al la gajnintoj pri ilia elektiĝo: fino de aprilo 2025
Publika anonco pri la gajnintoj: ILEI-kongreso en 2025

Atendas vian kandidatigon aŭ kandidatiĝon la estraro de ILEI