Novaĵoj
Raporto pri la tria skajpa RITE-konsultiĝo
Kategorio: Edukado; Dato: 2015-09-05 23:50:55
La 5an de septembro okazis sukcesa skajpa konsultiĝo de la RITE-kursanoj. La temo, precipe aktuala komence de la studjaro, estis " Kiel lanĉi universitatajn Esperanto-kursojn ?". Inter la RITE-kursanoj ni havis plurajn, kiuj instruas aŭ instruis en universitato, do, ne mankis spertoj.
La konsultiĝon partoprenis Adrian el Argentino, Gilda el Meksiko, Leandro el Brazilo, Monika el Svislando, Patrick el Italio, Ĵeromo, Philippe, Christoph kaj Marion el Francio kaj Liĉjo el Usono. Katalin Kovats, helpe de konferenca funkcio de skajpo, el Nederlando kunordigis la preskaŭ duhoran kunvenon. La programo komenciĝis per mallongaj sinprezentoj...
Ni havu ne la Eŭropan, sed la MONDAN tagon de lingvoj
Kategorio: Edukado; Dato: 2015-09-05 12:09:03
La 26a de septembro denove estas dediĉita al la lingvoj. En tiu tago mem (aŭ ĉirkaŭ tiu dato) okazas centoj da eventoj dise en Eŭropo (kaj en la mondo) por celebri la lingvan riĉecon de nia planedo kaj por atentigi pri la graveco de lingvolernado.
La alvoko sur la paĝo de la organizantoj ĉi-jare aperas en multaj lingvoj. Ĉu vi scivolas, kial ne ankaŭ en Esperanto? Verŝajne tial, ĉar malgraŭ multegaj alvokoj jare nur 5-6 Esperanto-eventoj estis registritaj ĝis nun, do, ili ne havas intereson okupiĝi pri nia lingvo....
RISKO-novaĵoj: Valentin Melnikov en duobla rolo
Kategorio: Edukado; Dato: 2015-08-31 22:33:22
Apenaŭ estas novaĵo en la RISKO-ludo, ĉar en la unua loko finis la aŭgustan ludon denove vmel (Valentin Melnikov) el Rusio.
Tamen estas interese, ke Barbulo , al kiu transiras la premio de Valentin, elektis ĝuste premion, kiu devenas de Valentin, nome la poemaron Eŭgeno Onegin , tradukitan kaj ofertitan por la ludo de Valentin. Tiel li ne nur cedas, sed ankaŭ en la reala vivo DONAS sian premion al Barbulo ( József Cseh) el Hungario.
...
Edukado.net kaj Kapriol' pri la kultura diverseco
Kategorio: Edukado; Dato: 2015-08-31 15:02:18
La 30an de aŭgusto 2015 la direktoro de la paĝaro wwww.edukado.net ĉeestis la festan prezentadon de la nova KD "Niewelnacht Lieten" de frisa muzikgrupo Kapriol’. La kolekto entenas kantojn kaj dancmelodiojn bazitajn sur malnovaj frisaj fontoj. El ĉi tiu preskaŭ forgesita repertuaro, la grupo kreis buntajn, liberajn prilaboraĵojn el multaj muzikstiloj el diversaj regionoj kaj epokoj, kiel folko, renesanco, mezepoko, kelta...
Risko en julio ankaŭ dum la kongreso
Kategorio: Edukado; Dato: 2015-08-01 23:02:46
Pro nia partopreno kaj laboroj dum la 100-a Universala Kongreso mi iom malfrue raportas pri la juliaj rezultoj de la RISKO-ludo.
En tiu ĉi monato partoprenis la ludon 121 personoj. En la unua loko finis la ludon du konkurantoj: euxgeno (Eŭgeno Liĉaŭka el Belorusio) kaj nicolee (Nicole Else el Aŭstralio),
Ambaŭ gajnintoj estis jam premiitaj ene de la lastaj 12 monatoj, tial ilia donaco transiras al la sekva, ĝis nun neniam premiita ludanto Koninda (Derek Roff el Usono). Koninda elektis muzikdiskon de...
