Forumo
Temoj / Korespondado / Lerneja korespondado
 |
Ili estas malplenaj kvadratetoj  La ideon naskis iom post iom la gelernantoj mem. Ili decidis mozaiki svisan Alpon. Ambaŭflanke estos pupetoj (grimpistoj). Unu brazila kaj unu svisa. La gelernantoj deziras fendi la paperon ambaŭflanke de la malsupro supren. Ili volas kroĉi la pupojn tiel, ke oni povos ŝovi ilin laŭ la fendo ĝis la pinto, kvazaŭ ili grimpus sur la Alpo. Malantaŭ la leterego estos Esperanta flageto, kiun oni povos elaperigi tra levebla fenestreto tuj sur pinton, post kiam la grimpistoj atingos ĝin. Kiel ĉio ĉi fariĝos? Ankaŭ mi scivolas! Tuj kiam ĝi estos preta mi aperigos foton. La leterego simbolas la kontakton inter ambaŭ landoj - super tiu Alpo - danke al Esperanto |
|
|
Jen ni finis nian leteregon por Monika. Baldaŭ ni sendos ĝin al Svislando
Ĉu bela? |
Alkroĉita dosiero: |
|
Jen kelkaj el la leteristoj
|
 |
Nekredeble…… kia laboro, kia ideo… kaj kiom ĝojos la ifanoj kaj instruistoj de La Granda Ursino.
Mi nur pri tio cerbumos, kie ili metos la leteron por ĉiam povi vadmiri ĝin. Gratulojn, Leandro…. |
|
|
Jes, ni bezonis kvin semajnojn por fini. Post unu monato finiĝos la lernojaro. Ni rekomencos labori en februaro 2015. Tiam certe ni elpensos novan leteregon. Restas la decido, al kiu ni sendos ĝin. Se ĝis tiam ne aperos alia konrespondulo, ni plezure korespondos plu kun Monika. Ni komencis ellabori leteregojn en 2008. La unuan ni sendis al s-ino Marie Ho (ĉu iu konas ŝin?) el Marsejlo, Francio. La 5an de junio 2008 ŝi sendis al ni gazetan raportaĵon pri nia leterego. Bonvolu rigardi la almetitan foton Laŭ ŝi okazis en Martiguo nacia kongreso kadre de kiu nia korespondaĵo estis ekspoziciata, verŝajne en la tiea turisma ĉambro (mi nur bedaŭras, ke mi ne scias pli da detaloj, pri kio temis la kongreso - jam de tre longe ni ne kontaktas s-inon Marie). Loka gazeto interesiĝis pri la letero. Ĝi estis prezentata kiel simbolo de paco kaj frateco. Ni tre kortuŝiĝis |
|
|
 |
Belege! Ni antaŭĝojas havi ĝin! |
|
|
Kara Leandro,
JES! Finfine ĝi alvenis! La sendaĵo estas tre bela kaj impona! Ni apenaŭ trovis sufiĉe grandan lokon en nia malgranda lernejo por povi afiŝi ĝin! Sed ni trovis, kaj ĉiuj admiras ĝin! Koran dankon! Miaj gelernantoj tuj komencis cerbumi kiel reciproki ĝin, kaj la projekto jam eĉ ekis! Ĉar la sendaĵo damaĝiĝis dumvoje kaj la svisa poŝto devis repaki ĝin, mi havas unu demandon: ĉu vi sendis iun leteron kun ĝi aŭ ne? Se jes, ĝi verŝajne perdiĝis.  Ni ricevis la bildegon kaj 3-4 subskribitajn bildkartojn: 1 pri Brazilo, la aliaj pri Argentino. Ĉu ĝustas aŭ ĉu ni devintus ricevi ankaŭ akompanan leteron?Amike, Monika |
|
|
Hura! Ni ege ĝojas, ke finfine ĝi atingis vin Nu, en la koverto estis bildego kaj poŝtkartoj, do ĉio alvenis. Antaŭ ol akcepti la kovertegon la poŝtistino hezitetis, mienis suspekteme... ĝis ni rigardigis al ŝi la enhavon de la kovertego. Do ni ne mirus se la svisa poŝto suspektus kaj decidus la unua malfermi ĝin antaŭ la livero. Povas esti... Tamen gravas, ke la tuto trafis en viajn manojn! Mi almetis al ĉi tiu mesaĝo foton pri la unua (kaj antaŭlasta - ĝis nun ni ricevis du) letero, kiun ni ricevis el eksterlando (el Francio), antaŭ kelkaj jaroj. Estos ege bone ricevi leteron de vi! Koran dankon |
|
|
