Novaĵoj

La 28an de novembro 2025 forpasis Rob Moerbeek (1936-2025), nederlanda esperantisto, subteninto kaj multflanka kunlaborinto ankaŭ de edukado.net, nelacigebla volontulo de la Centra Oficejo de UEA, korektanto de multaj revuoj kaj eldonaĵoj.

Rob estis ne nur eminenta konanto de Esperanto, sed ankaŭ kapabla rimarki kaj korekti malglataĵojn de la lingvo kaj instrui pri bonba lingvouzo. 

Malgraŭ sia aĝo kaj sanproblemoj li multege aktivis en Esperantujo, gvidis kursojn, vojaĝis al kongresoj kaj konferencoj, multe agadis inter aliaj en la faka asocio de blinduloj kaj instruistoj, membris en sennombraj societoj kaj kluboj. 

En 2018 Moerbeek iĝis Kavaliro de la Ordeno de Oranje Nassau pro sia aktiva agado por la Esperanto-movado, subteno al la blindula movado, sia redaktista, korektista kaj instrua agadoj. (Jen nia tiama foto kaj raproto pri la festo.)

Sian vivresumon Rob verkis por la Panteono de Edukado.net en 2010, antaŭ 15 jaroj. Somere de 2025 li estis petata kompletigi la liston de siaj lastatempaj aktvaĵoj, sed kiel ĉiam, li preferis labori modeste kaj diligente ol okupiĝi pri siaj meritoj. 

Kara Rob, en la nomo de multege da esperantistoj tutmonde ni dankas vin. Ni promesas klopodi memori viajn instruojn, ekzerci nin uzante viajn materialojn ekz. ĉe edukado.net.

Ripozu en paco!