Novaĵoj
Universitato de Viktorio (Brita Kolumbio, Kanado) gastigos NASK-2014
Kategorio: Movado; Dato: 2014-02-09 10:17:38
La unuan fojon en sia 45-jara historio, NASK – la fama Nord-Amerika Somera Kursaro – okazos ekster Usono. La bela kampuso de la Universitato de Viktorio (Brita Kolumbio, Kanado) en la pitoreska Gordon Head fariĝos hejmo por la mallonga intensa kursaro de Esperanto. Nur 20 minutojn de la urbocentro de Viktorio, kun flughaveno kaj pramhaveno, promendistance de la parko Gyro kaj la akvo, Universitato de Viktorio estas ideala loko por la kursaro. Alvenu la 29-an de junio kaj foriru la 8-an de julio por ok tagoj...
Sukcese finiĝis la Afrika Kongreso
Kategorio: Movado; Dato: 2014-01-05 13:00:44
Teksto laŭ la KOTONA GAZETO - 2014-01-04 numero 10 - Lasta numero
Sabate la 4an de januaro post la tagmanĝo finiĝis oficiale la kvina Afrika Kongreso de Esperanto.
Partoprenis ĝin 32 personoj el 11 landoj. Salutmesaĝoj alvenis el 36 landoj!
Okazis dume 18 prelegoj kaj ankaŭ unuhora skajpkunveno sufiĉe bonkvalita kun Germanio, Novjara Renkontiĝo, kun sono kaj bildo, kaj kelkaj interrompoj.
Okazis danco je 31a de decembro kaj nacia vespero kun du muzikgrupoj vendrede la 3an de januaro.
La kongresanoj akceptis rezolucion....
Forpasis profesoro Helmar Frank
Kategorio: Movado; Dato: 2013-12-19 08:37:52
Kun malĝojo ni informas vin ke forpasis profesoro Helmar Frank, iniciatinto, fonda prezidanto kaj multjara motoro de la Akademio Internacia de la Sciencoj San Marino (AIS). Li estis pioniro de informadika psikologio kaj reprezentanto de kibernetika pedagogio, ene de kiu li intensive okupiĝis inter aliaj problemoj pri lingvo-orientiga instruado de Esperanto. Li estis tre fekunda faka kaj scienca aŭtoro, kunfondinto de Eŭropa klubo okupiĝanta pri neŭtrala lingva politiko, portanto de la Meritkruco de la Germana Federacia Respubliko, kaj honora profesoro de pluraj universitatoj en Eŭropo, Azio kaj Ameriko. Per la valoraj sciencaj verkoj li...
Fulma oferto de la libroservo de UEA
Kategorio: Movado; Dato: 2013-12-13 12:28:58
Gazetaraj Komunikoj de UEA N-ro 526 2013-12-13
FULMA OFERTO OKAZE DE LA LIBRO-TAGO!!!
La Zamenhof-tago, la 15-a de decembro, estas ankaŭ Tago de la Esperanto-Libro.
Por festi ĝin la Libroservo de UEA faras fulman oferton: se vi mendos ion ajn en ĝia reta katalogo (escepte de brokantaĵoj), vi ricevos rabaton de 25%! La rabato ekvalidas tuj kaj daŭros ĝis la tagmezo (12-a horo) de la 16-a de decembro laŭ la Universala Tempo.
Vi povas mendi pere de la reta katalogo aŭ per ...
Serĉatas helpo por disvolvi esplor-reton
Kategorio: Movado; Dato: 2013-11-14 10:17:15
La usona esplorfondaĵo ESF serĉas part-tempan Akademian Kunordiganton kiu proksime kunlaboros kun estraranoj kaj stabanoj por disvolvi akademian komunumon kaj esplor-reton pri interlingivistiko, en Nord-Ameriko kaj alikontinente. La taskaro inkluzivas varbadon kaj korespondadon, la evoluigon de esploriloj (retpaĝoj, bibliografioj, k.s.), kaj konsiladon al la estraro pri promesplenaj iniciatoj kaj evoludirektoj. Bonega kono de la angla estas nepra; kapabloj en Esperanto estas tre dezirindaj, same kiel konoj pri unu aŭ pluraj aspektoj de interlingvistiko (ekz. lingvopolitiko kaj lingvoplanado, interkultura komunikado, transnaciaj sociologio kaj historiografio, kaj...
