Novaĵoj

Ni informas vin ke Marjorie Boulton fariĝos 90-jara la 7an de majo 2014.  Kiel ni jam pli frue raportis, la sanstato de s-ino Boulton ne estas bona. Ŝi pasigis longajn monatojn en hospitalo. Nun ŝi estas en sia hejmo, sed malforta. Esperantistoj planas okazigi feston honore al ŝi la 22an de majo.  Eblos sendi salutmesaĝojn, aŭ lasi salutojn sub  ŝia prezento en la Panteono .  Ĵus antaŭ la...

→ Legi pli...

Ni kun ĝojo informas vin pri tio, ke la 9an de Aprilo 2014 en Amsterdamo sukcese defendis sian doktoran disertaĵon nia membro, subtenanto kaj kunlaboranto Marc BAVANT . Fininte la Interlingvistikajn Studojn en Poznano en 2008, li ekvolis daŭrigi la lingvosciencajn studojn kaj trovis por tio favoran grundon en la Universitato de Amsterdamo, kie Esperanto estas instruata en speciala katedro. La doktoriga esploro de BAVANT tamen ne rekte rilatas kun Esperanto: temas pri teoria studo de tri gramatikaj ecoj kun apliko al tri iom ekzotaj lingvoj:...

→ Legi pli...

Inter Aprilo 2011 kaj fino de 2012, la francaj Esperanto-asocioj SAT-Amikaro kaj Espéranto-France kolektis pli ol 33 000 subskribojn al petskribo, ke Esperanto estu akceptata kiel nedeviga fako por abiturienta diplomo. Fine de la mezlernejo, 18-jaruloj trapasas ekzamenon kun maksimume tri lingvaj fakoj, devigaj kaj nedevigaj. Inter la nedevigaj estas elekteblaj sesdeko da lingvoj, kelkaj por parola ekzameno, sed plimulto por skriba ekzameno. La francaj samideanoj petas, ke Esperanto estu akceptata por skriba ekzameno, t.e. teksto 30-linia en la fremda lingvo, pri kiu la kandidato respondu kvar demandojn, verku kelkajn liniojn de “persona esprimo” kaj traduku al la franca...

→ Legi pli...

Hungara Radio intervjuis polajn bazlernejanojn kaj ilian instruistinon. Kelkfoje estis menciita Esperanto.   Sabate, la 22-an de marto 2014 en la 4-a programo (MR4) de Publika Hungara Radio aperis intervjuo kun lernantinoj kaj instruistino el Elementa Lernejo n-ro 50 en Gdańsk (Pollando). La ĉeftemoj de la disaŭdiĝo estis la Tago de Pola-Hungara Amikeco, festata en ambaŭ landoj la 23-an de marto, kaj la hungaraj projektoj, realigitaj kaj realigataj en la gdanska lernejo. La intervjuo okazis pertelefone inter la budapeŝta radia studio kaj la nordpola lernejo. La instruistino,  Małgorzata Zięba-Szmaglińska,...

→ Legi pli...

Gazetaraj Komunikoj de UEA N-ro 538 2014-04-03 LA ESTRARO KUNSIDIS KUN SKAJPA ETENDO La Estraro de UEA kunsidis en Roterdamo de la 28-a ĝis la 30-a de marto, dum entute 21 horoj. Surloke ĉeestis ĉiuj escepte de José Antonio Vergara, kiu ŝparcele partoprenis la kunsidon per Skajpa konekto. Flanke de TEJO partoprenis Veronika Poór; ILEI-prezidanto Mireille Grosjean ne povis veni, sed ĉeestis Skajpe la traktadon de Kapabligo. Por ŝpari monon, la estraranoj dividis ĉambrojn en apuda hotelo kaj mem pagis parton de la manĝoj. ...

→ Legi pli...