Novaĵoj
Sabaton ekos nia nova ludo: RISKO
Kategorio: Edukado; Dato: 2013-04-09 23:10:36
HURA - pretiĝis nia nova ludo: RISKO.
La lanĉo okazos sabaton, la 13an de aprilo, nokte je la 2a horo (GTM +1).
Tiam ekvideblos la menupunkto: LUDOJ sub la sekcio NOVAĴOJ kaj ekde tiu momento vi povas "riskumi".
La ludo celas klerigi la ludantojn pri kulturo, lingvo kaj movado de Esperanto. Krom la klerigado ni intencas ankaŭ amuzi vin kaj per premio ĉiumonate kaj ankaŭ jare honori la plej bonajn ludintojn.
Por la...
Kiam ni estos 3000-ope?
Kategorio: Edukado; Dato: 2013-04-06 10:48:39
Edukado.net momente (la 6an de aprilo 2013) havas 2918 membrojn .
Tre baldaŭ ni atingos 3000, kio ĝojigas nin ĉiujn.
Ni invitas vin sendi proponojn pri la tago, horo, kiam ni ekhavos la jubilean membron? Kaj por li/ŝi kaj por la persono, kies prognozo plej proksimos al la ĝusta tempo, ni sendos premion.
Por ke vi povu iom kalkuli, ni konsilas al vi studi la statistikajn indikojn pri la aliĝoj .
...
Intervjuo kun Stefan MacGill, eksprezidanto de ILEI
Kategorio: Edukado; Dato: 2013-03-27 22:17:28
Fine de marto 2013 okazis la estrarkunsido de UEA en Roterdamo, kiun partoprenis ankaŭ Stefan MacGill , prezidanto de ILEI.
Post la kunsido li pasigis du tagojn ĉe Katalin Kováts kaj dum tiu vizito la baldaŭ eksiĝanta prezidanto de ILEI kaj la redaktoro de edukado.net pridiskutis plurajn estontajn taskojn kaj kunlaboreblojn, inter ili ankaŭ la sekvajn ekzamensesiojn, formojn de instruista trejnado kaj MacGill ekkonis kelkajn novajn projektojn de edukado.net. Katalin filmis ankaŭ prelegon de...
Internacia kultura kunlaboro helpe de edukado.net
Kategorio: Edukado; Dato: 2013-03-25 07:45:16
Nia redakcio ricevis la suban leteron, kiu tre ĝojigis nin. Pola kolegino, Małgorzata Zięba-Szmaglińska , informis nin pri tio, ke helpe de edukado.net ŝi sukcesis ricevi helpon kaj realigi kunlaboron por sia kultura projekto pri hungaraj kantoj.
"Kara Katalin,
Mia konato el "edukado-net", dr Imre Orbán , muzeologo el Szeged, ege surprizis kaj ĝojigis min per sia ideo. Li sendis la hungarajn kantojn, kantitajn de miaj gelernantoj, al la hungara radio. Kaj hodiaŭ unu el la kantoj estis aŭdigita en la kvara programo!...
24 lokoj el 17 landoj planas partopreni la 2an tutmondan ekzamentagon
Kategorio: Edukado; Dato: 2013-03-19 12:06:51
Ni informas vin ke komenciĝis la konkretaj preparlaboroj por la dua tutmonda ekzamensesio.
Ĝis nun anoncis sian intereson 24 lokoj el 17 landoj .
La unuajn necesajn formalaĵojn aranĝis 19 lokoj, tiel ili rajtas komenci kolekti la aliĝojn pere de la formularo, kiun vi trovas sur la paĝo de aliĝoj kaj sesioj.
Eblas ankoraŭ kandidatiĝi por organzi sesion, interesiĝantoj bv....
