Gastolibro

Saluton! Gratulon pro la tre bela kaj utila paĝaro! Mi kaj mia filo Zhuang Rui ofte vizitis ĝin. Viziti la paĝon estas nia granda ĝuo! Bonan sukceson al via projekto! Tutkoran Dankon!

Saluton, mi nur volas gratuli, ne nur la ideon kaj projekton, sed ankaŭ - kaj tio eble ŝajnas iom strange kaj malbonprioritate - la beldesajnecon de la paĝo. Vere aspektas tre bele kaj facile navigeblas. La kialo pro kio mi mencias tion estas ke ĝis nun iritigis min ke E-aj retpaĝoj ofte estis tre malbelaj kaj amatore faritaj - eĉ gravaj, kiel tiu de uea, grandaj organizoj, revuoj ktp. Tio fakte gravas, ne nur ĉar Esperantistoj mem ŝatas vidi belajn faciluzeblajn paĝojn, sed ankaŭ por montri al amikoj, hazardserĉantoj ktp. Kiel kredi ke estas serioza lingvo se eĉ ne estas seriozfarita retpaĝo. Nun tio ŝajnas malrapide ŝanĝiĝi, uea kaj tejo havas belajn paĝojn, ni havas esperanto.se jam delonge kaj esperanto.nu... Ankaŭ tiu ĉi estas bela ekzemplo de tio. Mi ĝuste nun bedaŭrinde ne havas eblecon instrui Esperanton, sed esperas tion povi en la estonteco fari kaj tiam certe tre ĝuos tion ĉi servon.
Zaijian, Stian

Saluton al ĉiuj, Ankaŭ mi volas gratuli vin pro viaj tre belaj paĝoj. Mi venis ĉi tien, ĉar mi estas serĉanta eldonejojn, kiuj senpage prizorgas novaĵon pri kaj en esperanto kaj esperanto aktivecoj. Mi jam malkovris Nun, elektrona revuo de sveda esperanto-asocio. Mi nun serĉas esperanto-aktivecojn en Nederlando, do ekzemple kongresojn kaj tiel plu. Ĉu iu povas helpi min kun tio? Dankon.

Gratulon pro la klara retpaĝaro. Ĝuste ion tian mi bezonis antaŭ kelkaj jaroj.

Min ĝojigas vidi ke la eduka reto plifortiĝas kaj pligrandiĝas. Saliko

Karaj samideanoj, mi tre kore gratulas vian tutan skipon pro tiu belega ilo, kiun mi ĵus malkovras ...plezurege aldonas mi! Kalkulu pri mi por "fervore" informi miajn konatulojn pri via servo! Tutkore ĝis venonta relego !

Mi ege ĝojas, ke re-revizitante la paĝaron, mi ĉiam trovas ion novan, ion freŝan aŭ refreŝigitan. Tio instigas min ĉiam reveni, ja mi estas scivolema. Bonaj paĝaroj vere malmultas, sed eĉ pli malmultas tiuj, kiuj estas daŭre, bone prizorgataj. "Edukado.net" plenumas tiujn kriteriojn kaj tio vere gravas. Dankon kaj gratulon por la belega laboro! Sukcesojn kaj forton por simila antaŭeniro!
Amike, Monika

Mi kore bonvenigas la reformitan paĝaron kaj deziras al ĝi multe de uzantoj kaj sukceso. Mi aparte ĝojas pri la utila sekcio LERNILOTEKO kaj esperas, ke tago al tago ĝi riĉiĝos je ekzercoj. Ankaŭ mi mem eble iam kontribuos. Tiu parto estas tiom utila, ke mi opinias aperigi kelkajn ekzercojn el ĝi sur la paĝoj de IPR por ebligi ilian uzon ankaŭ por ne-rethavaj kolegoj. Estus bone scii kiuj ekzercoj elsuĉiĝas plej ofte. Jozefo

Vere bonega retejo; dankon! Mi rekomendos ĝin forte en diversaj forumoj.

Estimataj vizitantoj!
Hodiaŭ, la 13an de majo 2002 ni lanĉis la novan version de la paĝaro. Ĝi enhavas multajn plibonigojn kaj tutnovajn servojn. Bonvolu viziti ilin, utiligi por via laboro kaj prikomenti, esprimi viajn opinion, rimarkojn ĉi tie en la gastlibro kaj laŭeble aktive kontribui sur la paĝoj de Lerniloteko, Katalogo, Eduka Servo kaj Eduka Forumo. La paĝaro estos nur tiam komuna kaj NIA, se multaj el vi kontribuos kaj uzos ĝin. Bonvenon al ĉiuj kaj sukceson en la uzo!
Kun salutoj el la nomo de la tuta teamo: Katalin Kováts, la redaktanto