Novaĵoj
Lernu.net atingas sojlon de 100 000 registritaj uzantoj!
Kategorio: Movado; Dato: 2011-05-30 05:48:01
Ni publikigas la novaĵleteron de ESF:
Ni kun granda plezuro informas vin pri gravega mejloŝtono por Lernu.net: ĝi ricevis sian 100-milan registritan uzanton!
ESF elkore dankas ĉiujn kunlaborantojn de lernu!, kaj ankaŭ ĉiujn esperantistojn, kies malavaraj donacoj kontribuis al tiu ĉi sukceso. Fakte, Lernu.net estas unu el la plej ambiciaj kaj sukcesaj projektoj sponsoritaj de ESF, kaj tiu jubileo estas grandega atingo ne nur por nia fondajxo, sed ankaŭ por la tuta Esperanto-komunumo. ESF fieras, ke nia financa subteno ebligis la ekeston de tiu ĉi unika kaj plej vizitata Esperanto-retejo en...
Nova eldono de DVD-Romo „Esperanto elektronike“
Kategorio: Movado; Dato: 2011-05-24 09:22:41
Post 5 jaroj ekde la unua eldono E@I nun planas la 3-an re-eldonon de la populara disko „ Esperanto elektronike “.
De la unuaj 2 eldonoj forvendiĝis entute 12.000 pecoj. E@I nun lanĉas novan antaŭmendan kampanjon, kun la celo kolekti sufiĉe da mendoj, por reeldoni la diskon. La nova eldono entenas multajn novaĵojn, aktualajn materialojn.
Pri la enhavo, mendeblo, prezo kaj ĉiuj aliaj sciindaĵoj bv. elŝuti kaj vidi la PDF-formatan dokumenton aŭ viziti la koncernan paĝon ...
Stelsemantoj - biografia romano pri brilaj kaj sukcesaj instruistoj
Kategorio: Movado; Dato: 2011-05-23 12:11:17
La 14an de majo dum la sveda kongreso en Stokholmo okazis la prezentado de la ĵus aperinta libro de Katalin Kováts, Stelsemantoj en la ora nordo . La libro enhavas la rezultojn de profundaj kaj interesaj esploroj pri la vivo kaj agado de Tiberio Morariu, hungaro-rumana Cseh-instruisto, la ĉefa disĉiplo de Andreo Cseh. Malkovriĝas en ĝi la vivo, vojaĝoj kaj sukcesoj de pluraj famaj Cseh-instruistoj de la 30-40-aj jaroj de la 20a jarcento kaj kelkaj gravaj trajtoj kaj figuroj de tiu ora epoko de Esperanto. La leganto povas ekscii multon ne nur pri...
Esperanto ĉe la libra Babel-turo en Bonaero
Kategorio: Movado; Dato: 2011-05-20 14:41:54
La juna hungara instruistino Petra Smidéliusz kolektas grandajn sukcesojn en la argentina ĉefurbo Bonaero.
BONAERO, 20.05.2011.
la titolo de "Monda Ĉefurbo de Libro" estis donita de Unesko al la argentina ĉefurbo por la jaro 2011. Honore al tio estis konstruita grandega babelturo el 30 mil libroj, inter ili ankaŭ el pluraj Esperanto-verkoj. Argentina Esperanto-Ligo eluzis la bonan propagandeblon, enkonstruigis niajn librojn en la turon, eĉ akiris tri eblojn por prezento de Esperanto ĉe la festa podio.
...
Invito al festotago honore al Claude Gacond
Kategorio: Movado; Dato: 2011-05-19 12:56:54
Svisa Esperanto-Societo - Gazetara Komuniko - 2011-05-11
Sabaton, la 27an de aŭgusto 2011 en la urba biblioteko de La Chaux-de-Fonds (CDELI kaj aŭlo) Progrès 33, 2300 La Chaux-de-Fonds, Svislando okazos festo honore kaj omaĝe al la konata svisa pedagogo Claude Gacond .
Claude Gacond estas fama svisa esperantisto. Instruisto, pedagogo, li fondis la arkivejon ‘Centro de Dokumentado kaj Esploro pri la Lingvo Internacia’ (CDELI) en la jaro 1967. Poste li fondis Kulturan Centron Esperantistan (KCE) en 1968 en La Sagne, Ekde 1974 tiu Centro staras en La Chaux-de-Fonds....
