Gastolibro

Karaj Gekolegoj! Mi volas gratuli vin kaj vian agadon. Du jaroj ne estas tro longa tempo. Tial mi deziras minimume arĝentan Jubileon al vi. De tempo al tempo mi mem uzas "Risko-n" kun diversaj rezultoj. Sed ludo estas perfekta kaj eduka ;-) ;-) ;-)

Karaj Katalin, kaj Mogens: estas amuza, sed stresanta ludo, pro tio mi atendas la plej malfruan horon por ludi. De kelkaj semajnoj, mi konscias, ke estas pli bone chiam riski, ech se oni malsukcesas 4 fojojn sinsekve nur tiel oni fine atingas bonan rezulton. Post la ludo, per la reto kaj edukado.net eblas scii multe pli pri diversaj personoj, grupoj, lokoj. Tro da datoj, tamen! Kaj tiuj demandoj per: "Kio Ne estas tio?" unue estis por mi kaptiloj.
Evidentighas, ke kiel junaj lernantoj, oni ne chiam bone legas la demandojn! Anne

Gratulojn pro la dua jaro. Mi komencis partopreni antaŭ preskaŭ unu jaro. Tiuj bone elektitaj demandoj estas nun ĉiutaga defio por pligrandigi mian konon, laŭ plezura maniero, pri movado, kulturo kaj lingvo.

Gratulojn al Katalin kaj Mogens pro la 2a datreveno de tiu ĉi bona ludo. Mi ludas kiam mi povas, havas tempon. Kial? Ĉar simple mi ŝatas ĝin! ;) Dankon! M.

Elkorajn gratulojn, varmajn bondezirojn kaj grandan feliĉon al viaj redakcianoj okaze de via dua naskiĝdatreveno kara forta kaj klara ludo. :)

Ankaŭ mi gratulas, vere estas granda entrepreno regule funkciigi tiun ĉi ludon. Tamen ne ĉio plaĉas al mi. Ekzistas "stultaj" demandoj, kiuj ne indas scii. Estas unu erara respondo laŭ mi pro iama mistajpo. "Li paliĝis pro timo (kialo), ne pri! Estas malmulte da tempo por pripensi la respondon. Se estas 6-7 eblaj respondoj, oni ne havas tempon eĉ finlegi la tekston. Mi konsideras min sufiĉe sperta esperantisto, sed tiaj kondiĉoj certe fortimigas la malpli spertajn. Mi ludas ĉiam, kiam mi havas tempon kaj eblecon pro la ludo mem.

Mi gratulas chiujn ludantojn, kaj chefe Katalin kaj la kunlaborantojn !!! Mi ludas kun plezuro, sed ne por gajni poentojn, nur por la ghojo lerni ion !
Daurigu ! Grandan dankon !

Ankaŭ ŝatus esprimi dankon pro la ludo. En du jaroj mi respondis centojn kaj centojn da demanoj, kiuj multe kontribuis por mia esperantista kleriĝo. Mi pli multe maltrafis ol bone trafis respondojn... sed ĉiuokaze ĉiam tre ĝoje ludis. Nun en nia lernejo ni regule okazigas memstarajn RISKO-sesiojn. Ne necesas diri, ke ili furoras!

Gratulon por la dua naskiĝdatreveno de la RISKO-ludo! Koran dankon al Katalin kaj Mogens!
Ĉi tiu ludo por mi ĝenerale, kiel hobio, signifas ripozon. Ĝi fariĝis kutimo, tiel ke mi multfoje ensalutas ludi, kaj poste kontrolas la novaĵojn de la paĝaro. Mi ĉefe riskoludis ne pro rezultoj, sed pro kvizo mem. Mi ne riskis multe, ĉar la kelkfojaj perditaj poentoj malĝojigis min. Do, kiam mi sukcesis solvi la unuajn du demandojn, mi multfoje feliĉe finis la ludon.
Mi preterlasis tagojn kiam mi forvojaĝis kaj ne havis teknikajn eblecojn. Interese, ke tio estas sume 59 tagoj! Okazis certe ke mi forgesis aŭ simple ne povis ludi pro multaj devigoj aŭ malsano.
Mi proponas al ĉiuj esperantistoj la ludon, povas esti ne nur amuziĝo, sed ankaŭ bona ekzerco kaj lernilo!

Gratulon por ĉiuj riskoludantoj, kiuj estas pli diligentaj kaj pli sciantaj ol mi. Koran dankon por Katalin! Krom kolektado de puentoj tre gravas ricevi respondon al la demandoj, kiujn mi ne scias respondi. Mi notas tiujn respondojn ... sed ne ĉiam mi ilin memoras kaj denove faras la saman eraron ... Sukcesojn por ĉiuj!

--