Gastolibro
La gastolibro celas ke oni ĉi tie esprimu sian opinion pri la paĝaro, sendu bondezirojn ks. Se vi volas havi respondon al iuj demandoj aŭ volas pridiskuti ion, por tiuj celoj bonvolu uzi aŭ la kontakt-formularon aŭ la forumojn.
La retadresoj en la gastolibro estas aŭtomate protektataj kontraŭ spam-robotoj.
Kara Kati! Mi elkore gratulas al vi kaj al viaj kunlaborantoj, ke la membraro de edukado.net atingis 3000! Dezirante multe da ĝojo kaj sukceso: Edit
Saluton Karaj,
mi dankas pro la informoj, kiuj mi ricevas ludante RISKOn. Ili certe estos por mi utilaj, pliriĉigantaj miajn konojn pri la lingvo. La ludo, kvankam por mi malsukcesa, tre plaĉas al mi, pro ĝiaj vere edukaj valoroj. Ĝis nun mi eĉ ne supozis, ke mia scio ĉi-teme estas tiom malaltnivela! Mi pensas, ke multaj homoj - kiel mi - nur lernas la lingvon por kontakti kun aliaj, sed mankas jam tempo por eklerni iom pli diverskampe, pri la lingvo mem kaj la movado... Tial mi ludos plu, eĉ gajnante nur nulojn, ĉar ankaŭ tiam mi gajnos premion: miajn paŝetojn al klerigado! Dankon al vi, samideanaj amikoj!
Amike - Halina Komar
P.S. Bonega ideo aldoni la ĝustajn respondojn.
Ho jes Katalin, ŝparu vian energion kaj precipe zorgu pri la sano. Tion vi ne povas neglekti, la afero estas tre serioza.
Ĉion bonan por vi, precipe la resanigon de la manoj.
Dorota
Kara Kati! Risko-ludo tre plaĉas al mi. Kaj mi admiras vin pro amaso da novajn konceptojn. Kiom da horoj havas via diurno?
Mi kore salutas vin,
Dorota
Gratulegon pro via 3000-a uzanto! Estu fiera!
Mi estas tre dankema al vi
Dankon, Vasil pro via komento. Vi pravas ke la tempoe stas malmulta, sed ni celas ne ke oni serĉu kaj trovu la respondojn, sed volas instigi homojn lerni. Se estus serĉado, ni ontrolus komputilajn lerntojn, kiu kion povas trovi plej rapide. Lernado okazos post la ricevo de la nesciita demando, kiam vi sreĉos, notos kaj lernos la faktojn kaj sekvafoje scios ilin. Ni ne povas ebligi pli ol 3 demandoj tage. Oni ne haavs tro da tempo ludi kaj eĉ tiel ni devas krei 1200 diversajn demandojn por ke en unu ajro ĉiam oni havu alian demandon. Do, iom malfacile, ĉu ne? Do, iom post iom vi kaj la aliaj lertiĝos kaj ŝatos xin, mi esperas. Danko pro via partopreno.
Gratulojn por la nova ludo "Risko". Tre helpema ludo por diskonigi la esperantan kulturon. Fakte nur tri demandoj per tago estas tre malmultaj. Ankaŭ la tempo por respondi demandojn estas tre mallonga por komenĉantoj kiel mi, ĉar ni devas serĉi la korektan respondon. Do, mi pensas ke la tiuj du faktoj kaŭzos ke ludantoj forgesos sekvi la ludon ĉiu-tage. Sed, mi ne havas ideon pri la nombnro de demandojn kaj kiel baldaŭ la malbonaj respondintaj demandoj reaperas. Gratulojn denove.
Gratulojn pro tiu ĉi TTTejo, ĉiam tre interesa kaj riĉa da informoj.
Ekde tiu ĉi jaro mi pli ofte vizitos la paĝaron de edukado.net. Ĝi estas ĉiel intersa kaj utila, dankinda. Fortojn al Katalin kaj ankaŭ financan subtenon al ŝi mi deziras por la komenciĝinta jaro kaj la sekvontaj.
