Forumo

Mi konas RSS fluon, eksperimente mi eĉ uzis ĝin, sed mi tamen preferas retleteron, ĉar mi ofte retumas per diversaj komputiloj, operaciumoj, navigiloj.

Mi intense uzas RSS-fluojn de diversaj retejoj, pro tio ege mankas al mi la RSS-fluoj de la malnova paĝaro de edukado.net. RSS-fluoj estas bona ilo por redukti la nombron de mesaĝoj en la retpoŝtkesto - la tradicia abonsistemo efikas male. Pro tio mi konsideras RSS-fluojn ĉe edukado.net tre dezirindaj. La ĉefaj informoj estu tiel haveblaj, sed RSS ne nepras en ĉiu angulo de la paĝaro.

jens_s_larsen skribis:

La funkcio de RSS-fluo estas treege konvena por multaj, tamen mi mem preferas ricevi el ILEI resumajn retmesaĝojn.

ILEI? Ĉu vi ne eraris? Tio ne rilatas al nia pagaro. Vi verŝajne celis skribi eduadko.net, ĉu ne?

Mi konas kaj uzas RSS-fluojn por kelkaj retejoj kiuj ne dissendas mem inform-mesaĝojn. En la kazo de Edukado.net mi preferas ricevi la novtipajn resummesaĝojn.

Saluton!
Mi malprecize scias, ke tiu afero ebligas esti informita pri la ŝanĝoj en paĝaro, sed mi kutime malfidas la novajn aferojn ĉefe pri komputiloj, ĉar ili tro multas, postulas tempon, klopodojn kaj foje monon, por rezulto ofte malentusiasmiga.
Anstataŭ ĵeti min sur novan aferon, mi preferas atendi ke iu alia "viŝu la gipsojn" por mi, t.e. provu ĝin, klarigu al mi la advantaĝojn, kostojn, kondiĉojn kaj klopodojn, kaj ankaŭ klarigu al mi kiel uzi ĝin.