Forumo

Mi pensas, ke ne estas bona ideo ne doni premion. Estu premio je ĉiu monato. Tamen nun ŝajnas, ke baldaŭ iuj kiuj havas tre malmulte da poentoj povus ricevi premion. Do mi simple ŝatus sugesti, ke ricevu premion tiu kun plej multaj poentoj kiu dum almenaŭ 12 monatoj ne ricevis premion. Ŝajne tiel iuj kiuj havas proksimume 45% ja havos ŝancon ricevi premion, sed tamen ne tiuj kiuj havas ankoraŭ malpli.

Vmel, ĉu vi legis mian proponon? Tio ja ne okazos kun mia propono, ĉar ĉiuj rajtos ree ricevi premion post 12 monatoj. Kial tiuj kiuj ricevas premion ĉar la venkanto jam ricevis premion ne rajtus ricevi premion plurfoje, se estas pli ol 12 monatoj inter la premioj? Estu la sama regulo por ĉiuj. Oni rajtas ricevi premion plurfoje, nur ne ene de 12 monatoj.

Saluton, Valentin kaj Nicole, kaj ĉiuj aliaj ludantoj.
Mi ne vere intencas ŝanĝi, aŭ eĉ tuŝi la regularon. Sed konsideru bone, se mi tuŝos la regularon, verŝajne venos alia modifo, de multaj petitaj jam. Nome ke tiuj, kiuj serie gajnas, kaj poste eĉ la jaran ludon gajnas, devus esti ekskluditaj el la ludo. Tiel faras multaj aliaj ludoj, ekz. famaj ludoj ĉe televidoj, ktp. Ekz. se Valentin kaj Nicolee estus forigitaj el la ludo, estus alia la ranglisto... ĉu ne? Mi neniel volas ofendi la aliajn, malpli sukcesajn ludantojn, kiel vi faris en viaj frazoj. Vi du estas eksterordinare bonaj kaj diligentaj. Se vi forfalus, la malpli brilaj rezultoj de la aliaj montriĝus relative pli bonaj.... Do, mi petas vin, bonvolu ne tro cerbumi pri modifoj, ĉar eble tiuj fine portos al vi malĝojon.

Eŭgeno,
Nicole jam prave skribis. Ne estus juste ripete ricevi premion, se la ludanto eĉ unu fojon ne mem venkis en monata ludo.

Katalin,
mi nur volis iom ŝpari viajn premiaĵojn. Kaj mi absolute ne vidas ligon inter mia (k de Nicole) bona ludo - k (ne)ricevo de premio por iu meznivela ludanto, kiu havos bonŝancon nur pro tio, ke super li jam akumuliĝis longa vico de iam-premiitoj (k tiu vico ja ĉiumonate kreskos...)
K certe, se perforte forigi la plej bonajn ludantojn - tio neniom plibonigos ludadon de aliaj, eĉ male - ili ne bezonus tro streĉiĝi por okupi indan lokon. La ĝenerala nivelo falus...

Nu, mi desaponte reprenas mian proponon...

Mi vidas, ke en la forumo aperis nova aparta sekcio pri Risko-ludo.
Do estus logike transmeti tien ĉiujn fadenojn rilatajn al "Risko" el la sekcio "Pri edukado.net". Ĉu tio eblas teknike? (En aliaj forumoj kutime jes)