Forumo

Ĉi tie ni respondas al viaj komentoj koncerne la RISKO-ludon.
Se vi ne komprenas ion aŭ havas demandon pri la reguloj kaj funkciado, bv. lasi mesaĝon.
Kompreneble pri la enhavo de la demandoj ni ne volas korespondi ĉi tie, sed se pri ili vi havas rimarkigon, aŭ eventuale trovis eraron, bv. sendi tion en retmesaĝo al katalin(ĉe)ikso.net.
Dankon. Katalin

Pierre, ĉu vi elektis el la du ebloj kiuj aperas post la dua ludo?
Tiam vi devas decidi ĉu pluiri kaj riski duobligi la poentojn aŭ nuligi ilin, ĉu halti ĉe la ludo post la dua demando.
Mi supozas ke vi ne reagis, ne elektis pluiri, do, haltis kaj la programo fermis vian ludeblon post iom da tempo.
Bv. morgaŭ nepre atenti tiun parton kaj elekti laŭ viaj deziro kaj ŝancoj.

Ĉiu demando havas propran tempolimon, ne tre longan, por ke oni ne komencu serĉi la respondon en la reto. Do, nur al tiu demando eblas bone respondi, al kiu oni SCIAS la respondon.
Eble provu ankoraŭ alifoje.
Amike, Katalin

En la reguloj estas skribite:
"Se vi respondos bone vi ricevos unu poenton kaj rajtos pluludi. Se vi respondos malĝuste, vi ne plu rajtos ludi en tiu tago."
Sed ŝajne ĝi ne signifas, ke vi devos halti se vi malĝuste respondas al demando. Fakte vi nur bezonas bone respondi al unu el la du demandoj por rajti ricevi trian demandon.
Ĉu aliaj ankaŭ pensis, ke se ili malbone respondas al unu demando la ludo tuj finiĝos?

Bone, la reguloj estas pli klaraj nun. Tamen ankaŭ la mallonga versio povus estis pli klara

"Depende de la respondoj vi povos pluludi aŭ devas ĉesi ludi." Kial ne skribi precize: Nur tiuj kiuj bone respondis al almenaŭ unu el la du unuaj demandoj rajtos elekti respondi al tria.