Novaĵoj
Finiĝis la unua kursaro sur la Esperanto-Insulo en Hajnano
Kategorio: Edukado; Dato: 2012-02-15 15:04:29
Ĝenerala komunikaĵo
La 11-an de februaro finiĝis la 4-semajna intense kursaro sur la Esperanto-Insulo en Hajnano (Ĉinio). La aranĝo, kiu inkludis 200-horan intensan BEK-kurson por komencantoj, 144-horan pedagogian seminarion kaj du kursojn kadre de la Universitato de Esperanto, partoprenis entute 130 personoj, devenantaj ĉefe el aziaj landoj (Ĉinio, Mongolio, Koreio, Tajvano, Japanio), sed ĉeestis ankaŭ trideko da eŭropanoj kaj esperantistoj el Aŭstralio.
La inicianto de la ideo kaj la gvidanto de la BEK-kurso estis Dennis Keefe, kiu por okazigi la aranĝon kunlaboris kun...
Pri la dua sesio de la Interlingvistikaj Studoj en Poznan
Kategorio: Movado; Dato: 2012-02-08 02:36:51
La dua sesio de la Interlingvistikaj Studoj de UAM en varma etoso malgraŭ la malvarma vetero.
Inter la 28a de januaro kaj la 3a de februaro okazis la dua sesio de la nova interlingvistika grupo en la Universitato Adam Mickiewicz, en Poznano. 18 gestudentoj el 10 landoj – inter ili 5 brazilanoj – vigle diskutis pri kulturaj kaj lingvistikaj temoj, krome alfrontis la unuajn ekzamenojn.
La kurso pri ĝenerala morfologio kaj sintakso de Michael Farris enkondukis la partoprenantojn en la strukturon de diversaj lingvoj, konsciigis ilin pri la kategorioj de la propraj gepatraj lingvoj....
Sukceso en la 25a KER-sesio en Hajnano
Kategorio: Edukado; Dato: 2012-02-06 02:45:24
Ni kun ĝojo raportas pri la 25a KER-sesio, okazanta en tiuj ĉi tagoj sur la Esperanto-Insulo en Hajnano (Ĉinio).
La sesion gvidas Katalin Kovats, kunekzamenas Dennis Keefe.
La ekzamenojn sume trapasis 29 personoj. Ekzameniĝis 9 kandidatoj je nivelo C1, 4 je nivelo B2 kaj 16 je nivelo B1. Tiuj ĉi lastaj ĉiuj studis en la intense BEK-kurso, gvidata de Dennis Keefe.
La kandidatoj venis el 10 diversaj landoj: Ĉinio (13), Francio (4), Italio (3),...
La unua azia KER-sesio
Kategorio: Edukado; Dato: 2012-01-31 01:45:10
La 7an kaj 8an de februaro (dum la lasta semajno de la BEK-kurso) okazos ekzamensesio laŭ la KER-sistemo en Hajnano .
La komisiono antaŭvidas 20-25 kandidatojn, kiuj partoprenas ekde ĉi-lundo specialan preparsesion, gvidatan de Katalin Kovats kaj partoprenantoj de la metodika kurso.
Ekzameniĝos kaj partoprenantoj de la BEK-kurso, kaj aliaj kandidatoj el la pli progresantaj grupoj.
Kaj la studantoj kaj la instruantoj faras ĉion eblan por sukcesa okazigo de la unua azia KER-sesio kaj akirigo de ŝtata atestilo pri kono de Esperanto. Tiu dokumento povos helpi en enkonduko...
Esperanto-Insulo: filmraporto post la 2a semajno
Kategorio: Edukado; Dato: 2012-01-29 12:31:16
Inter la 11a de januaro kaj 12a de februaro sur la Esperanto-Insulo en Hajnano (Ĉinio) laŭ la projekto de Dennis Keefe okazas internacia intensa BEK-kurso, metodika seminario kaj du paralelaj universitatnivelaj kursoj.
La kursaron partoprenas ĉ. 130 personoj el pli ol dudeko da landoj, ĉefe aziaj, sed por la metodika kaj universitataj kursoj alvenis al la insulo plurdeko da eŭropanoj.
Malgraŭ la malagrabla (kaj tute ne somera) vetero, malfacilaj loĝkondiĉoj ktp. ĉiuj heroe laboras, pasigante de la 8a matene ĝis la 22a vespere tage minimume 12-14 horojn...
