Novaĵoj
Intervjuo kun Katalin en Ĉina Radio Internacia
Kategorio: Edukado; Dato: 2010-11-05 17:03:10
La Esperanto-Redakcio de Ĉina Radio Internacia pretigis longan intervju-materialon kun Katalin Kováts, redaktoro de edukado.net.
La unuan parton de la intervjuo oni dissendos tutmonde la 6-an de novembro. Ĝi aŭskulteblas ankaŭ en la retejo de la redakcio.
Edukado.net havas jam 50 ĉinajn membrojn, sed espereble tiu programo altiros pli da ĉinaj samideanoj al la paĝaro.
Se vi deziras aŭskulti la programon, vi atingas ĝin de la E-Klubo de la Ĉina Radio Internacia.
Nova kurso en Dua Vivo
Kategorio: Movado; Dato: 2010-11-04 19:06:10
Jam de tri jaroj funkcias kurso por komencantoj en la virtuala mondo Dua Vivo, gvidata de kunlaboranto de edukado.net, Beatrice Allée. Ĉar la kurso okazas en tiel nomata "reala tempo", la horo ne estas oportuna por azianoj, kiuj devas vekiĝi je la 4a aŭ 5a matene por partopreni.
La 9an de novembro komenciĝos alternativa kurso , gvidata de DV-ano Dorina Landar .
La horo estos taŭga precipe por azianoj ( 18.30 en Delhio, 22.00 en Tokio kaj Seŭlo ...
Teksto kaj ekzerco pri Sankta Marteno
Kategorio: Edukado; Dato: 2010-11-03 12:28:34
Okaze de la proksimiĝanta festo de Sankta Marteno mi renovigis malnovan tekston de Monda Mozaiko kaj kreis por ĝi legokomprenan ekzercon La episkopo de Tours . Espereble por multaj el vi ĝi utilos dum la sekvontsemajnaj kursoj.
Bonan legadon, Katalin Kováts
Mankas mon', domaĝe! Pagu do fromaĝe!
Kategorio: Edukado; Dato: 2010-10-31 20:21:09
Kunlabore kun Radio Verda ni regule aperigas komprenekzercojn, kies materialoj devenas de la radioprogramo.
Estas bona maniero por trejni viajn orelojn kaj helpi al vi pretiĝi al la aŭdkomprenaj taskoj de la KER-ekzamenoj.
La lastan tian ekzercon ni aperigis la 31an de oktobro, samtempe kun la lanĉo de la koncerna radioprogramo.
Se vi trovas la taskojn utilaj, bv. sciigi nin pere de opinioj aŭ ĉe la ekzerco, au ĉe Radio Verda.
Jen la ligo al la ekzerco, kiu troviĝas en la sekcio Instrumaterialoj ...
Honorigo de Zsófia Kóródy
Kategorio: Movado; Dato: 2010-10-28 13:40:07
Karaj,
estas granda ĝojo komuniki al vi, ke dum solena festo en la kavalira salono de la kastelo Herzberg am Harz s-ino Zsófia Kóródy ricevis publikan distingon por la pli ol 7-jara honorofica aktiva agado sur diversaj kampoj por Esperanto kaj la oficiala Esperanto-urbo Herzberg.
La urbestro Gerhard Walter emfazis la multflankan kaj senlacan agadon, ekz. por la GEA-filio por klerigado kaj kulturo, kiel prezidantino de AGEI, kiel komisiitino de GEA por instruado, organizantino por internaciaj lernejaj projektoj, por la sukcesaj ĝemelurbaj aktivadoj inter Herzberg kaj Gora/PL, pro la meritoj rilate al...
