Novaĵoj
Finiĝis nia Grundtvig-seminario pri Frislando
Kategorio: Edukado; Dato: 2014-05-27 00:21:22
Kiel ni jam raportis nia paĝaro organizis seminarion pri Frislando kaj frisa kulturo kadre de internacia kunlaboro subtenata de la Grundtvig-projekto Tutviva Lernado. La kvartagan programon partoprenis entute 60 personoj de kvar delegacioj, sed kiel ofte okazas en Esperantujo, la partoprenantoj devenis fakte el pli da landoj ol nur Nederlando, Hungario, Germanio kaj Pollando. Estis inter ni ankaŭ meksikano, hispano kaj ankaŭ svedo.
Ĝojige estis vidi, ke pli ol la duono de la ĉeestantoj estis membroj de edukado.net eĉ se multaj el ili formis parton de la gasto-grupoj. ...
Edukado.net gastigos la partoprenantojn de la dua Grundtvig-seminario.
Kategorio: Edukado; Dato: 2014-05-22 21:35:52
La 22an de majo komenciĝis la dua internacia renkontiĝo de la partoprenantoj de la projekto Kiel instrui pri multkultureco de Eŭropo.
Kadre de la projekto, subvenciata de la Eŭropa Unio, kunagadas kvar organizaĵoj: Centro de Interkultura Edukado (CEM) (Pollando – Nowy Sącz), Fondaĵo edukado.net (Nederlando-Hago), Filio de Germana Esperanto-Asocio por Klerigado kaj Kulturo (Germanio-Herzberg am Harz) kaj Kultura Esperanto-Asocio (KEA) (Hungario-Budapeŝto).
La unua renkontiĝo estis en januaro, kiam ni gastis ĉe la pola partnero en Nowy Sącz. Legu pli detale pri tio en la...
La 5-a Ĉina Seminario pri E-instruado okazis en Changzhou
Kategorio: Movado; Dato: 2014-05-20 13:25:09
De la 16-a ĝis la 18-a okazis la 5-a Ĉina Seminario pri E-instruado en Changzhou de Jiangsu-provinco en sudorienta Ĉinio organizita de la Ĉina Ligo pri Esperantistaj Instruistoj (ĈLEI). Pli ol 50 e-istoj el Pekino kaj provincoj Jiangsu, Shanxi, Jiangxi, Guangxi, Hunan kaj aliaj lokoj de Ĉinio partoprenis la seminarion, ankaŭ koreaj, itala kaj franca e-istoj laborantaj en Ĉinio ĉeestis la kunvenon.
La seminario kun spertointerŝanĝoj kaj teoriaj diskutoj pri E-lernigado estis enhavoriĉa. En la unua tago okazis la inaŭguro, en kiu salutis s-ro Wang Ruixiang, prezidanto de KAEM kaj vicprezidanto de Ĉina...
Nun komenciĝis la TRIA TUTMONDA EKZAMENTAGO
Kategorio: Edukado; Dato: 2014-05-17 07:27:00
En tiu momento komenciĝis la Tria Tutmonda Ekzameno. Oni ekskribis la testojn en Hago, La Chaux-de-Fonds, Parizo, Arras, Limoĝo, Moskvo, Ĉeboksaro, Osako, Seulo, Tianjin, Zaozhuang. Baldaŭ komenciĝos la parola sesio por kelkaj urboj. Laboros per la reto du komisionoj. Raportoj venos dum la tago… kaj ankaŭ poste…se ni transvivos… :-)
Fotojn ni klopodas publikigi en la koncerna FOTOALBUMO .
...
RIĈPROGRAMA MALFERMA TAGO
Kategorio: Movado; Dato: 2014-05-14 16:49:40
Sepdeko da vizitantoj el 13 landoj spitis la pluvan veteron por partopreni en la 40-a Malferma Tago de la Centra Oficejo sabaton, la 10-an de majo, kiu havis eĉ kvar prelegantojn kaj premiere la programeron Akademianoj respondas.
Sub la titolo Interlingvistiko - ĉu nur intelekta ludaĵo?, Detlev Blanke prezentis scienc-strategiajn konsiderojn, kun germanaj spertoj tiurilate. En sia prelego La gramatika domo de Esperanto, Wim Jansen uzis la domon kaj ĝiajn konstru-aspektojn kiel metaforon por priskribi trajtojn de la Esperanta gramatiko el la vidpunkto de la funkcia gramatiko.
Okaze de...
