Novaĵoj
Ni estas 2000-ope!
Kategorio: Edukado; Dato: 2011-06-08 23:43:54
Mi kun granda ĝojo informas vin ke ni denove ekhavis 2000 registritajn membrojn .
Mi skribas DENOVE, ĉar tiun nombron ni atingis jam antaŭ pli ol unu jaro, sed ĉe la ĉi-januara purigado kaj forigo de la delonge neuzitaj kontoj ni perdis ĉ. 500 membrojn. Nun ni denove estas dumilope, kio en si mem estas bela kvanto. Bravo al ni ĉiuj.
Ni kore salutas kaj bonvenigas Franz Knöferl el Germanio, nian 2000an membron, al kiu ni baldaŭ sendos librodonacon. ...
Celtrafa prelegserio de Petra Smidéliusz en Braziljo
Kategorio: Edukado; Dato: 2011-06-06 23:44:01
De la 3-a ĝis la 5-a de junio la esperantistoj de la Brazila ĉefurbo amase partoprenis neordinaran klerigan eventon, kiu, laŭ kelkaj el ili, signis markon je iliaj esperantistaj vivoj kaj montris novajn vojojn kaj perspektivojn por la loka Esperanto-movado.
Temis pri la kleriga vizito de Profesorino Petra Smidéliusz el Hungario, kiu kronis sian sud-amerikan rondvojaĝon en Braziljo per brila tritaga prelegserio pri la situacio de Esperanto en kelkaj Eŭropaj landoj, diversaj edukcelaj projektoj okazantaj en Eŭropo, pri la retejo www.edukado.net kaj trejnkurso RITE. La ĉefa programo estis preparsesioj kun...
KERzamino por la sukcesa ekzameniĝo
Kategorio: Edukado; Dato: 2011-06-01 11:55:15
Je unu monato antaŭ la someraj ekzamensesioj ni informas vin pri la reta aliĝeblo al la brazilaj, hispania, danlanda, slovakia kaj italia KER-ekzamenoj.
Por povi plani la ekzamentempojn ni bezonus ke vi kiel eble plej frue aliĝu kaj elektu vian nivelon, des pli, ĉar en kelkaj sesio ne eblos surlokaj aliĝoj, nur tiuj rajtos ekzameniĝi, kiuj antaŭe plenigis la retan formularon.
Informoj pri la ekzameno kaj la sesioj: en la ekzamenpaĝo kaj ĝiaj subpaĝoj
Por aliĝi klaku al la...
Ni salutas Detlev Blanke okaze de lia jubileo
Kategorio: Edukado; Dato: 2011-05-24 20:37:19
En la nomo de nia redakcio kaj instruteamo de RITE ni kore salutas profesoron Detlev Blanke, okaze de lia jubilea naskiĝdatreveno kaj deziras al li bonan sanon, pluan aktivan kaj fruktodonan agadon en ĉiuj liaj aktivaĵoj.
Okaze de la jubileo de kolego Blanke kaj honore al liaj meritoj surkampe de instruado, interlingvistkaj esploroj kaj dokumentado ni nun kun granda ĝojo kaj estimo enirigis lin en la Panteonon . Tie en lia prezento vi povas legi mallongan biografian resumon, ligon al liaj senfinaj publikaĵoj kaj al kelkaj liaj...
Por magistriĝa laboro serĉatas tradukhelpo
Kategorio: Edukado; Dato: 2011-05-19 21:19:15
Studento de Wim Jansen ĉe la Universitato de Amsterdamo planas magistriĝi per kompara studo inter la manieroj de transpreno de modernaj uson-anglaj terminoj en la nederlandan kaj Esperanton: prunte (t.e. en Eo: neologisme), prunttraduke (en ambaŭ kazoj rolas la naturo de la fonologiaj kaj morfologiaj adaptoj), kunmetaĵo el ekzistantaj elementoj, elekto de alia pruntedona lingvo, malsamaj rapidecoj de enradikiĝo, k.s.
Ni havas liston de vortoj, kies Esperantan ekvivalenton li ne (jam) trovis kaj por kiuj li ŝatus ricevi direkton al iu fonto aŭ rektan sugeston.
Estus bone vidigi al...