Novaĵoj

Kun granda malĝojo ni informas vin ke la 5an de majo, pro grava malsano, forpasis Enikő Sereghyné Zengő, hungara esperantisto. Enikő estis unu el la plej aktivaj membroj de la landa ILEI-sekcio en Hungario, eĉ ĝia estrarano. Ŝi ofte vojaĝis ankaŭ eksterlanden, partoprenis multajn Universalajn Kongresojn kaj ILEI-konferencojn, akompanante samlandajn esperantistojn. Laste en Seulo mi renkontis ŝin kaj ĝojis, ke malgraŭ la allogaj turismaĵoj kaj programoj, Eniko dediĉis plurajn horojn kaj helpis nin en la parolaj partoj de la KER-ekzamenoj.  La plimulto de la ne-hungaraj Esperanto-instruistoj rememoras la ILEI-konferencon, kiun...

→ Legi pli...

Dum la jubilea Malferma tago de UEA, sinjoro Rob Moerbeek, konata aktivulo de la Esperanto-movado, transprenis de Martin Smit, urbestro de lia loĝloko Beverwijk, altrangan reĝan honorigon. La urbestro anoncis la oficigon de Rob kiel Kavaliro en la Ordeno de Oranje Nassau. Ĝi estas prestiĝa distingo fare de la reĝo de Nederlando por Nederlandanoj por eksterordinaraj atingoj por la socio.  En sia formala, tamen bonetosa kaj amika parolado, la urbestro listigis plurajn, sed tute ne ĉiujn, meritojn de Rob Moerbeek, substrekante lian aktivan agadon por la Esperanto-movado, subtenon al la blindula movado, lian redaktoran,...

→ Legi pli...

ESF lastatempe anoncis enoficigon de nova kunordiganto de universitataj aferoj kiel posteulo de Asya Pereltsvaig, kiu retiriĝis el tiu posteno fine de 2017. La nova kunordiganto estos Angela Tellier, el Britio. Ŝi havos respondecon ligi kontaktojn kun universitatanoj kaj aliaj fakuloj kiuj okupiĝas pri Esperanto kaj interlingvistiko ĉu kiel instruantoj ĉu kiel esplorantoj, ne nur en Norda Ameriko sed ankaŭ tra la tuta mondo. La celo de ŝia rolo estos intensigi la kunlaboron sur tiu tereno nacie kaj internacie. Ŝi samtempe rolos kiel kunordiganto de universitata agado por CED. ...

→ Legi pli...

Bonvolu sendi kuraĝigan karton al Esperanto-lernantoj en nederlanda Gimnazio. Mar-Janne  estas nova esperantistino, kiu lernis per Duolingo, lernu.net kaj nuntempe ekzercas sin pere de Ekparolu! Sed ŝi ne nur lernas, ankaŭ ekinstruis Esperanton en sia gimnazio, en Nimego (Nijmegen, Nederlando.) Ŝiaj lernantoj havas 10-11 jarojn, kaj frekventas transirklason inter la baza kaj la meza lernejo. La 35 lernantoj, tro talentaj por sidi en baza lernejo, sed ne sufiĉe aĝaj por eniri la mezan,...

→ Legi pli...

Kiel kutime, komence de la jaro (inter la 3 kaj 10a de februaro) okazis la vintra sesio de la Interlingvistikaj Studoj en UAM, Poznano. Alvenis 14 gestudentoj el 10 landoj (Ĉinio, Koreio, Brazilo, Usono, Turkio, Rusio, Francio, Hispanio, Germanio kaj Pollando). Post la konsultiĝo kaj ekzamenoj, lunde komenciĝis la kursoj de la dua semestro: Michael Farris prezentis la ĝeneralajn regulojn de morfologio kaj sintakso eluzante la sciojn de la diverslingva partoprenantaro. Lidia Ligęza kaj Tomasz Chmielik enkondukis la studentojn en la duan periodon de esperanta literaturo. La multkultura...

→ Legi pli...