Novaĵoj
Novaj ebloj por magistraj studoj en Poznano
Kategorio: Movado; Dato: 2016-11-28 17:04:20
Nova eblo por magistraj studoj en la Universitato Adam Mickiewicz en Poznano (UAM)
pri etnolingvistiko kun interlingvistika modulo
La du-jaraj surlokaj studoj (en la Lingvistika Instituto, Fakultato de Moderna Filologio) estas ofertataj la unuan fojon por gestudentoj el diversaj landoj. Ili entenas studobjektojn pri:
Lingvistiko, kulturo, antropologio,
Internacia kaj interkultura komunikado,
Planlingvoj kaj esperantologio,
Daŭrigo de la lingvoj angla kaj esperanto, komenco de la...
Lastaj horoj por sponsori la projekton AMIKUMU!
Kategorio: Movado; Dato: 2016-11-16 11:34:48
Chuck Smith kaj Evildea nun kreas telefonaplikaĵon (apon) por helpi al homoj trovi esperantistojn apude.
Instruistoj ofte diskutas la problemon, ke malfacilas enigi lernantojn en la movadon. Do, per Amikumu, ili simple aliĝas al la apo kaj kiam ili revenas hejmen, ili vidos ĉiujn proksime, kiuj parolas Esperanton kaj povas kontaktiĝi kaj renkontiĝi kun ili! Tiu servo unue ekzistos por Esperanto, sed poste oni povos uzi ĝin por kontakti homojn de ĉiuj 7.000+ lingvoj en la mondo (inkluzive de 100+ signolingvoj).
Ligilo...
VIENO: nova retejo pri Planlingvoj
Kategorio: Movado; Dato: 2016-11-07 12:09:48
...
ILEI lanĉis filmkonkurson
Kategorio: Movado; Dato: 2016-10-04 23:34:10
Okaze de la Jaro de la lernanto ILEI lanĉis filmkonkurson en du kategorioj: lingvo kaj interkultura harmonio.
La celoj de la filmkreigo estas akiri mallongajn filmitajn lernilojn kaj instigi la junularon al pripensado kaj transdono de scioj.
La mallongigo de la konkurso estas: IPEFF / Internacia Pedagogia Film-Festivalo de ILEI.
La limdato: la 30a de aprilo, 2017.
Pri la ceteraj kondicoj bv. elŝuti kaj legi la PDF-formatan alvokon .
26a de septembro - La Eŭropa tago de Lingvoj
Kategorio: Movado; Dato: 2016-09-08 23:10:57
La 26a de septembro denove estas dediĉita al la lingvoj. En tiu tago mem (aŭ ĉirkaŭ tiu dato) okazas centoj da eventoj dise en Eŭropo (kaj en la mondo) por celebri la lingvan riĉecon de nia planedo kaj por atentigi pri la graveco de lingvolernado.
La programoj estas diversaj: ludplenaj aktivaĵoj, ekspozicioj, modellecionoj, lingvaj enigmoj, konkursoj ktp. Ili okazu en lernejoj, institucioj, kadre de klubaj aŭ sociaj eventoj. Helpmaterialojn liveras ankaŭ tiu ĉi kaj la alia ELP-paĝo .
...
