Gastolibro
La gastolibro celas ke oni ĉi tie esprimu sian opinion pri la paĝaro, sendu bondezirojn ks. Se vi volas havi respondon al iuj demandoj aŭ volas pridiskuti ion, por tiuj celoj bonvolu uzi aŭ la kontakt-formularon aŭ la forumojn.
La retadresoj en la gastolibro estas aŭtomate protektataj kontraŭ spam-robotoj.
Dankon pro la tre utila helpilo,kie mi trovis ĉion bezonan.
Elstara ideo kiun mi certe uzos. Vi ja kreas gravan ilon por tiuj kiuj instruas la internacian lingvon. Elkoran Dankon.
Dankon pro la grandega laboro! Kiu ĝisdatigos kaj kiom ofte? Certe aperos pliaj retkursoj, ekzemple en Brazilo aperis ĵuse kaj estis recenzita por Esperantolehti en la finna. Sukceson kaj konstantan utiliĝon! Saliko
Tre utila servo kun bone kolektita, granda materialo. Estas tre ĝojinde, ke la lernolibroj en via paĝaro estas ankaŭ karakterizataj; ke oni ne nur informas, sed - ekzemple - ankaŭ ebligas atingi la elektronikajn kursojn. Koncerne la lingvaĵon: evitu kunokazigon de pluraj konsonantoj ĉe kunmetitaj vortoj - por kelkaj tiaĵoj estas malfacilaj. Cetere ĉio ŝajnas esti en ordo. Ŝparu (kaj ne kreu) ne-vorteskajn mallongigojn), por ke substantivoj de Espertnato ankaŭ post ducent jaroj estu substantivoj. Estas gratulinda ankaŭ la sukceso kunlaborigi homojn: dankon al ĉiu partopreninto.
Estas bone ankaŭ por ni, profitantoj de la servo, ke ni povas kunagadi kaj komunikiĝi - ekzemple, ke oni rajtas kaj povas tuj esprimi sian opinion. Mi miras, kiom multaj jam estas reagintaj, kvankam nur kelkloke oni aperigis pli frue informojn pri la paĝaro. Kelkfoje oni atendas jarojn je reago. Ankaŭ tio montras, ke la formo kaj teĥniko elektronikaj estas ege avantaĝaj, gratulon pro la uzo de la atingeblaj rimedoj. Mi kun ĝojo vidas ankaŭ la jaman kunlaboremon de sukcesaj pedagogoj de diversaj regionoj, laborantaj je diversaj aĝogrupoj kaj kursotipoj. Blazio Vaha
Grava ilo por tiuj, kiuj gvidas aliajn al nia kara lingvo... Daŭrigu !!!
Daurigu, plibonigu, plialtigu ...
Gratulojn! Esperantujo vere bezonas tiujn paĝojn -- altvalorajn kaj profesiajn!
Dankon pro la nova paĝaro al la teamo. Ĝi certe estas bezonata kaj estos uzata de multaj instruantoj. Daŭrigu la laboron!
Ankaŭ nome de la Tirola Esperanto-grupeto mi volas gratuli vin pro tiu ĉi tre utilega hejmpaĝo.
Kiel mi vidis, ankaŭ Direktoro Mayer laborante en la Internacia Esperanto-Muzeo jam skribis al vi.
Kvankam mi vivas en Aŭstrio, estas tre malfacile por ni ĉiam turniĝi al IE-M. Ankaŭ en Innsbruck estas instruata E-on en la universitato. Sed ĉefe en mia regiono mi povas diri laŭ mia propra sperto, ke Esperanto-instruado estas la plej bezonata E-aktiveco, sed en mia regiono estas oferataj renkontiĝojn kie oni denove parolas ĉefe en la germana. Mi persone ankaŭ decidis prepariĝi al ekzamenoj de ILEA/UEA kaj mi jam mendis la informilon konsernante tiuj ĉi ekzamenoj. Pro tio mi nun tre ĝojas, ke kun edukado.net mi nun trovis la plej bonan subtenon rilate al tiu ĉi temo.
Dirite mallonge: Via servo estas unika kaj urĝe bezonata en Esperantio !!!
Tre bela laboro. Ĝi tute kongruas kun la dua prioritato de la labor-plano de UEA: instruado.
Mi provos popularigi vian servon. Daŭrigu. Eventuale enmetu paĝojn, kiujn mi ne vidis pri lerniloj en naciaj lingvoj. Amike,
Renato Corsetti
prezidanto de UEA
